«Otandastar qory» Qoğamy Özbekstandağy qazaq ūlttyq mädeni ortalyqtarymen kezdestı.

30 S'ilde, 2023

30 şılde Özbekstan Respublikasyndağy aituly mereke Halyqtar dostyğy künıne orai Taşkent qalasynda ornalasqan Qazaq Mädeni ortalyğynda qandastarmen kezdesu öttı.

Horezm, Būhara, Nauai, Jyzaq, Syrdarii jäne Taşkent oblysynan kelgen mädeni ortalyq basşylary men ūlt ziilylary mañyzdy ıs-şarada özara pıkır almasty.

Kezdesude qoğam prezidentı Abzal Saparbekūly “Otandastar qorynyñ” şettegı jäne eldegı atqarğan jūmystary men josparlary turaly äñgıme örbıttı.

 A.Saparbekūly Memleket basşysy Qasym-Jomart Toqaevtyñ Türkıstanda ötken ūlttyq qūryltaidağy "Şeteldegı qandastarymyzben tyğyz qarym-qatynas ornatyp, ruhani bailanysty nyğaita beremız. Būl mäsele – menıñ jeke nazarymda."-degen sözın eske sala otyryp,  qandas jastarğa, elge köşıp keletın qandastarğa arnalğan memlekettık qoldauğa keñınen toqtaldy. 

Öz kezegınde, qandastarymyz qazaq mektepterdegı mūğalımderdıñ bılıktılıgın arttyru,  jastardyñ Qazaqstanda JOO tüsu üşın ŪBT tapsyrudağy qiyndyqtar, qazaq tılınde kıtaptar men mädeni ıs-şaralarğa degen sūranystar turaly öz oilarymen bölısıp, ūsynystaryn jetkızdı.

 

Jiyn soñynda, Qazaqstan Respublikasynyñ Prezidentı Qasym-Jomart Kemelūly Toqaevtyñ alğys hatymen "Nūrly jol" gazetınıñ redaktory Ğūlamzäkır Usupov pen"Kenimeh tañy ", "Tamdy şaruagerı" gazetınıñ şyğaruşy redaktory Güldana Narynbetova marapattaldy.

Sondai-aq, bırqatar qazaq ortalyqtaryna ūlttyq bi köilek toptamalary men Otandastar qorynyñ "Är qazaqqa bır kıtap" aksiisy şeñberınde jinalğan kıtaptar tartu etıldı.