4 şıldede Qazaqstan Syrtqy ıster ministrlıgıne qarasty «Otandastar qorynyñ» ūiytqy boluymen Moñğoliidağy qazaqtar arasynda kışı Qūryltai öz jūmysyn bastady. Aituly şara Moñğoliinyñ Ūlan-Batyr, Hobda, Bain-Ölgei aimaqtarynda 10 şıldege deiın jalğaspaq.
«Otandastar qorynyñ» prezidentı Abzal Saparbekūly bastap barğan qazaqstandyq delegasii qūramynda Qazaqstan Parlamentı Mäjılısınıñ deputattary, diplomatii ardagerlerı, ziily qauym ökılderı, qoğam qairatkerlerı bar.
Ūlan-Batyrdağy jyly jüzdesu
Moñğolii qazaqtarynyñ kışı Qūryltaiy Ūlan-Batyrdan bastaldy. 4 şılde künı qazaqstandyq delegasii Moñğoliinyñ elordasy Ūlan-Batyrdyñ Nalaih audanynyñ äkımı Ch.Radnaabazar jäne mäslihat deputattarymen kezdestı. Qazırgı tañda būl audanda 5 myñnan astam qazaq tūrady eken.
Kezdesuge «Otandastar qory» KeAQ prezidentı Abzal Saparbekūly, Qazaqstan Respublikasynyñ Moñğoliidağy Elşısı Ğabit Beibıtūly Qoişybaev bastağan delegasii müşelerı, QR Mäjılıs deputattary Ünzila Şapak, Nūrgul Tau, Jarqynbek Amantai, diplomatii ardagerı Sailau Batyrşaūly, jazuşy Kädırbek Qūnypii, «Prezident jäne halyq» gazetınıñ bas redaktory Marat Toqaşbaev, jazuşy Auyt Mūqibek, Türkiinyñ Mimar Sinan universitetınıñ professory Abduluahap Qara, Nalaih audanynda qyzmet etetın «Er bırlıgı» ükımettık emes ūiym basşylary men ökılderı qatysty.
Kezdesu barysynda Abzal Saparbekūly Moñğoliidağy jäne Qazaqstanğa köşıp kelgen qandastarymyz Moñğolii memleketınıñ qamqorlyğyn erekşe yqylas-rizaşylyqpen eske alatynyn jäne būl şyn jürekten şyqqan söz dep atap öttı. Sözın jalğastyra kele, Qoğam basşysy Moñğolii qazaqtarynyñ kışı qūryltaiy aisynda josparlanğan ıs-şaralar turaly aityp öttı.
Öz kezegınde, QR Mäjılısı deputattary Ünzila Şapaq, Nūrgül Tau jäne Jarqynbek Amantai Moñğolii elınıñ tumalary retınde Moñğoliiğa kelgenderıne quanyşty ekenın jäne parlamentaralyq bailanystarğa öz ülesterın qosuğa daiyn ekenderıne senım bıldırdı.
Diplomatii ardagerı Sailau Batyrşaūly 1992 jj. täuelsızdıktıñ alğaşqy jyldaryndağy qarym-qatynastar turaly syr şerttı.





Nalaihtağy qandastar qauyşuy
4 şılde künı Abzal Saparbekūly bastağan delegasii Moñğolii qazaqtarynyñ kışı Qūryltaiy aisynda Ūlan-Batyrdyñ qazaqtar şoğyrlana ornalasqan Nalaih audanyna arnaiy at basyn tırep, sondağy qandastarmen kezdestı.
Basqosu Qazaqstan Respublikasynyñ Moñğoliidağy Elşılıgı men Moñğoliidağy «Er bırlıgı» ükımettık emes ūiym ökılderınıñ qoldauymen ūiymdastyryldy.
Kezdesu barysynda Abzal Saparbekūly Qoğamnyñ maqsat, mındetterı, şeteldegı qazaqtarmen jūmys jürgızu barysy turaly keñınen aqparat berdı.
Sonymen qatar, Qor basşysy şetelden elge köşıp keludı josparlağan qandastarymyz üşın memleket tarapynan körsetıletın qoldaular turaly da baindady. Biyldan bastap ıske asyryluy josparlanğan, şeteldegı etnikalyq qazaqtarğa arnalğan «Ata joly» kartasy turaly da tolyğyraq aityp berdı.
(Aita keteiık, Qazaqstan ükımetı ūsynğan «Ata joly» kartasy şeteldegı qandastarymyzdyñ 10 jyl boiy vizasyz elge keluıne, käsıppen ainalysuyna t.b. mümkındık beredı).
A. Saparbekūly «Bız qazaq pen moñğol halyqtary – ejelden berı kele jatqan Ūly dala örkenietınıñ mūragerlerımız. Ekı eldıñ bır-bırın maqtan tūtatyn ortaq qūndylyqtarmyz bar: tarihymyz, tılımız, salt-dästürımız qazaq, moñğol halyqtarynyñ bır-bırıne etene jaqyn ekenın körsetedı» dei kelıp, Qazaqstannyñ Moñğol elımen bailanystarğa erekşe nazar audaratyndyğyn airyqşa atap öttı. Qandastarymyzğa qamqor bolyp otyrğan Moñğol ükımetıne yqylasy men rizaşylyğyn jetkızdı.
Qazaqstan Respublikasynyñ Moñğoliidağy Elşısı Ğabit Beibıtūly Qoişybaev öz sözın Moñğolii qazaqtarynyñ kışı qūryltaiynyñ aşyluyna orai qūttyqtau sözımen bastady. Elşılıktıñ qandastarğa elımızde körsetıp jatqan qoldaularğa däneker retınde qyzmet etetındıgın qadap aitty.
Sözın qorytyndylai kele, Elşı Qazaqstan Prezidentı Qasym-Jomart Kemelūly Toqaevtyñ atynan Nalaihtağy «El bırlıgı» ükımettık emes ūiymynyñ müşesı Jeñısbek Qabidollaūlyna Moñğoliida qazaq tılı men mädenietın saqtauğa, ūlttyq salt-dästürın keñınen nasihattauğa qosqan ülesı, sondai-aq qazaq-moñğol qarym-qatynastarynyñ odan ärı nyğauyna sıñırgen eñbegı üşın alğys hatpen jäne tösbelgımen marapattady.
Qazaqstan Parlamentı Mäjılısınıñ deputaty Unzila Şapaqqyzy özınıñ osy auyldyñ tumasy ekenın aityp, jastyq şağy ötken kezdı tebırene eske aldy. Nalaih şağyn qala bolğanyna qaramastan, halyq sanynyñ 3%-yn qazaq halqy qūraityndyğyn, şetelden oralyp Qazaqstanğa qonystanğan azamattardyñ joğary bılım alyp, adal eñbek etıp jatsa, memleket tarapynan elenıp, ülken biıkterge jete alatynyna toqtaldy.
Qazaqstandyq delegasii osy kezdesuden keiın Nalaihtağy «El bırlıgı» ükımettık emes ūiymynyñ ortalyğyna bardy. Ortalyqta Qoğam tarapynan ūiymdastyrylyp jatqan qazaq tılı, dombyra, qazaqşa söileu kurstary turaly söz qozğaldy.
Biyl osy ortalyqta «Otandastar qory-nyñ» ūiymdastyruymen ötıp jatqan dombyra kurstarynda 45 bala dombyra üirengen. Sūqbat barysynda jergılıktı qazaqtar atynan söz alğan auyl aqsaqaldary men jas buyn ökılderı balalar men jastar arasynda qazaq tılınde söileudıñ qiynşylyqtaryna toqtaldy. Atap aitqanda, auylda qazaq balabaqşasynyñ joqtyğy, büldırşınderge arnalğan türlı kıtapşalardyñ bolmauy, qazaq tılı mamandarynyñ jetıspeuşılıgı turaly mäselelerge köñıl bölıp, Qazaqstan, Elşılık jäne «Otandastar qorynyñ» qoldauyna ülken ümıt artatynyn bıldırdı.
Öz kezegınde, resmi delegasii müşesı, Türkiinyñ Mimar Sinan universitetınıñ professory Abduluaqap Qara aldağy uaqytta şeteldık täjıribenı zerttep, qandastar arasynda är salada maman almasu, ekı jaqty zertteuler jasau siiqty mäselenı qarastyru qajettılıgı turaly ūsynys bıldırdı.
Al qoğam qairatkerı, aqyn Auyt Mūqibek keleşek ūrpaqqa ana tılınde bılım aluğa mümkındık tudyrudyñ bır joly retınde qazaq mektepterınıñ filialdaryn Moñğoliida aşu turaly ūsynys aitty.
Jiyn barysynda qatysuşylar, bılım, ädebiet, öner salalarynda ekıjaqty tiımdı äleumettık jobalardy jüzege asyrudy tılge tiek ettı.
Basqosudy qorytyndylai kele, Abzal Saparbekūly Nalaihta qazaq salt-dästürımen ädet-ğūrpyn nasihattauşy, qazaqi naqyştağy qolöner şeberı Sailau Tülkıbaiqyzyn «Otandastar qorynyñ» «Alğys medalımen» marapattady.



Qazaq-Moñğol yntymaqtastyğyndağy qazaq qandastarymyzdyñ rölı
5 şılde künı qazaqstandyq resmi delegasiisynyñ Moñğoliiğa sapary Ūlan-Batyr ötken «Qazaqstan men Moñğolii qarym-qatynastarynyñ damu bolaşağy» atty döñgelek üstelmen jalğasty. Jiyn Moñğolii qazaqtarynyñ kışı Qūryltaiy jäne Qazaqstan men Moñğolii arasyndağy diplomatiilyq qarym-qatynastardyñ 30 jyldyğyna orai ūiymdastyryldy.
Atalğan şarağa Qazaqstan Respublikasynyñ Moñğoliidağy Elşısı Ğ.Qoişybaev, «Otandastar Qory» KeAQ prezidentı A.Saparbekūly, ekı eldıñ Mäjılıs deputattary men ziily qauym ökılderı, ardager diplomattar, saisatkerler men qoğam qairatkerlerı jäne qazaq diasporasynyñ ökılderı qatysty. Döñgelek üsteldıñ qūrmettı qonağy retınde Moñğoliinyñ tūñğyş prezidentı P. Ochirbat qatysty.
Döñgelek üstelde Qazaqstan men Moñğoliinyñ diplomatiilyq, mädeni, saisi-äleumettık, ekonomikalyq qarym-qatynastary äñgıme arqauy boldy.
Jiyndy Qazaqstannyñ Moñğoliidağy Elşısı Ğabit Qoişybaev kırıspe söz söilep aşyp, ekı el arasyndağy diplomatiilyq qatynastardyñ mañyzy turaly baindady.
Sodan keiın Otandastar qory basşysy Abzal Saparbekūly söz alyp, Qazaqstan men Moñğolii arasyndağy qarym-qatynastyñ tarihy tereñde jatqanyn, bauyrlas halyqtardyñ ejelden etene aralasyp, san ğasyrdan berı bır-bırımen tyğyz qarym-qatynas jasap kele jatqandyğyna toqtaldy.
Döñgelek üstel barysynda Qazaqstan men Moñğolii tarapynan qatysqan sarapşylar men qoğam qairatkerlerı, ğalymdar men saisattanuşylar ekı el arasyndağy qatynastardyñ odan ärı damu joldaryn talqylady.
Moñğoliinyñ Qazaqstandağy tūñğyş Elşısı bolğan B. Bimbajav qazaq-moñğol qatynastary memleketaralyq özara ıs-qimyldyñ sapaly jaña deñgeiıne şyğatyndyğyna senım bıldırıp, Qazaqstanda qyzmet etken jyldaryn jyly eske aldy.
Sondai-aq, Energetika agenttıgınıñ būrynğy törağasy A.Tıleihan Bain-Ölgeidıñ damu strategiisy turaly baindady. Būl rette bılım salasy, densaulyq saqtau, aimaqtağy jūmyssyzdyq, sonymen qatar basşylardy daiyndau jüiesı, jastar saisaty turaly keñınen tarata aitty.
Qazaqstannan kelgen deputattar öz kezegınde ekı el Parlament dostyq tobynyñ kün tärtıbındegı mäselerdı şeşuge küş jūmsau kerektıgın atap öttı. Osy rette, Bain-Ölgei aimağymen tıkelei reis aşu jäne Qazaqstanğa jaqyn aimaqtarda Qazaqstannyñ konsuldyğyn aşu pysyqtalyp jatqanyn tılge tiek ettı. Sondai-aq, halyq qalaulylary Qazaqstan Respublikasy Prezidentı ūsynğan «Küştı Prezident, yqpaldy Parlament, esep beretın Ükımet» qağidasy şeñberındegı reformalarğa toqtaldy. «Elde jasalyp jatqan reformalar nätijesınde biyl Parlamentke 6 saisi partii kırdı», - dep atap öttı QR Parlament Mäjılısınıñ deputaty Unzila Şapaq.
Sonymen qatar, döñgelek üstel barysynda Qazaqstan diplomatiisynyñ ardagerı Sailau Batyrşa-ūly, tarih ğylymdarynyñ professory Abduluahap Qara, Moñğolii-Qazaqstan parlamentaralyq dostyq tobynyñ teñ törağasy Q. Bedelhan, «Prezident jäne halyq» gazetınıñ bas redaktory M. Toqaşbai, Moñğolii Memlekettık Ūly Huralynyñ müşesı G.Amartuvşin t.b. tūlğalar da söz söilep, öz ūsynys-pıkırlerın ortağa saldy.


«Otandastar qorynyñ» «Ūly Dala» jobasy aisynda jaryq körgen alğaşqy kıtabynyñ tūsaukeserı
Qūryltai aisyndağy jūmys sapary ary qarai Moñğol Ūlttyq universitetınde jalğasty. Sol künı osy bılım ordasynda Moñğoliinyñ halyq jazuşysy, tarihşy, dramaturg, qoğam qairatkerı Sūltan Täukeidıñ «Señgır taular» atty romanynyñ tūsaukeserı öttı. Būl şyğarma Qazaqstan Jazuşylar odağy jäne Sun kompaniisynyñ qoldauymen «Otandastar qory» ūiymdastyrğan «Ūly Dala» jobasy aisynda jaryq körgen bolatyn. Qor basşysy A.Saparbekūly «Ūly Dala» aidary turaly keñınen baindap, būl jobanyñ şeteldegı qandastardyñ şyğarmaşylyğyn Qazaqstan oqyrmandaryna tanystyrudy közdeitının atap öttı.
Kıtap avtory Sūltan Taukei būl kıtapty qazaqtardyñ Moñğoliidağy tūrmys-tırşılıgı men tarihyn moñğol oqyrmandary tüsınu üşın moñğol tılınde jazğanyn aitty.
Söz soñynda avtor Otandastar qoryna öz alğysyn bıldırıp, Qor jūmysyna sättılık tıledı.
Tūsaukeser barysynda Abzal Saparbekūly Sūltan Täukeige Qazaqstan Jazuşylar odağynyñ müşesı kuälıgın tapsyrdy.





Moñğolii Parlamentınıñ Törağasy
Trans-Altai dialog platformasyn qūrudy ūsyndy
Sol künı Moñğolii qazaqtarynyñ kışı qūryltaiy aisynda Qazaqstan delegasiisy Ūlan-Batyrda Memlekettık Ūly Huralynyñ (Parlament) Törağasy G.Zandanşatarmen kezdestı.
Kezdesude qazaq-moñğol qatynastary, onyñ ışınde mädeni-gumanitarlyq mäseleler töñıregınde pıkır almasyldy.
Memlekettık Ūly Huraldyñ Törağasy G.Zandanşatar Qazaqstan jäne qazaq halqyna degen şynaiy ızgı tılegın aityp, ekı jaqty bailanystardy damytu boiynşa öz oiymen bölıstı. Sonymen qatar Törağa qazaq moñğol halyqtary Ūly köşpendılerdıñ mūragerlerı retınde ortaq bai ruhani qūndylyqtarğa ie ekendıgın atap öttı.
Qor prezidentı Abzal Saparbekūly törağağa qabyldauy üşın alğysyn bıldırıp, Qoğamnyñ qyzmetı, kışı Qūryltai aisynda ötetın ıs-şaralar turaly aqparat berıp, moñğol halqyna jäne ükımetıne Moñğoliida tūryp jatqan qandastarymyzğa degen qamqorlyq pen qoldauy üşın rizaşylyğyn bıldırdı.
Kezdesu barysynda ekı el Parlament deputattary da öz oilarymen bölısıp, parlamentaralyq bailanys bauyrlas elderımızdıñ jan-jaqty yntymaqtastyğyn nyğaituda mañyzdy oryn alatynyn aitty.
Kezdesude Parlament törağasy Trans-Altai dialog platformasy aisynda tarih, arhelogii, ädebiet pen ğylym salasynda yntymaqtastyqtyñ mañyzdylyğyna toqtaldy. Osy rette, Törağa delegasii qūramyndağy qazaq jazuşylaryn Moñğoliida dästürlı türde ötetın ädebietşıler forumyna şaqyrdy.


Bain-Ölgiidegı baindy şaralar
Būdan ärı Moñğoliida ötıp jatqan kışı Qūryltai qazaqtar şoğyrlana qonystanğan Bain-Ölgii aimağynda jalğasty.
Bügın Bain-Ölgii aimağynda Tūğryl-Han beiresmi ūiymynyñ bastamasymen biznes forum öttı. Osyndai Forum osymen 4-ret ūiymdastyryluda. Būdan būryn Astana qalasynda bastau alyp, Kölsaida, Katon Qarağaida ötken bolatyn.
Şaranyñ Bain-Ölgiide jalğasuynyñ basty sebebı – forum qatysuşylyrynyñ denı Moñğoliidan Qazaqstanğa kelıp öz käsıbın aşqan azamattar. Atap aitsaq, atalğan ıskerlık jiynğa Qazaqsannan 60-tan asa käsıpker, Bain-Ölgii aimağynan eñ ataqty 50 käsıpker, sonymen qatar Europadan da qandas käsıpkerlerımız arnaiy kelıp qatysty.
Sonymen qatar, Kışı qūryltai aisyndağy şarağa Qazaqstannan kelgen delegasii müşelerı, Qazaqstan Respublikasy Senatynyñ deputaty Ğaliasqar Sarybaev pen Mäjılıs deputaty Bolat Kerımbek te qatysyp, memleketter arasyndağy zañdyq tūrğydağy keibır kedergılerdıñ rettelu qajettılıgın aitty.
«Biznes forumnyñ negızgı maqsaty – ekı el arasyndağy ekonomikalyq bailanysty nyğaityp, sauda-sattyqty,import eksport damytu»,– deidı forum törağasy, käsıpker Mūrat Däkeiūly.
Osymen 4 ret ötıp jatqan forumnyñ aisynda «Arqadan Altaiğa» atty käsıpkerler bırlestıgı de qūrylğan.



Eñbektıñ elenuı – alğys pen marapat
Osy oraida, qazaq-moñğol qarym-qatynastarynyñ damuyna, halyqtar dostyğyn nyğaituğa jäne ūlttyq ruhaniitqa qosqan ülesı üşın bırqatar qazaq-moñğol qairatkelerı marapattaldy.
Atap aitqanda, Moñğoliinyñ Ūly Memlekettık Huralynyñ deputaty, moñğol-qazaq parlamenttık dostyq tobynyñ teñ törağasy – Bädelhan Qabdyıslämūly «Dostyq» ordenıne, Moñğolii Ūly Memlekettık Huralynyñ būrynğy deputaty, saisatker, ūlt janaşyry – Tıleihan Älmälıkūly jäne Moñğoliinyñ Eñbek jäne äleumettık qorğau vise-ministrı, ğalym, PhD doktory – Zulfikar Sarqytūly «Şapağat» medalıne ie boldy.
Al, Moñğolii Ūly Memlekettık Huralynyñ müşesı, «Bain-Ölgiidıñ Ūlan-Batyr qalasyndağy Jerlester alqasy» ükımettık emes ūiymynyñ törağasy– Äubäkır Tıleuhanūly; Moñğolii Ūly Memlekettık Huralynyñ deputaty– Beisen Būlanūly; Moñğoliinyñ halyq därıgerı, qazaq tılınıñ janaşyry– Asai Rämışūly;Medisina ğylymdarynyñ doktory, professor, ataqty neirohirurg, Moñğoliinyñ halyq därıgerı– Nota Änuarūly;«Arular» äielder odağynyñ töraiymy– Ainagül Saraiqyzy; aqyn, audarmaşy, Moñğoliidağy qazaq jastaryn qoldauşy– Baiyt Qabanūly;«Alaş Moñğolii» beiresmi ūiymynyñ törağasy, Ūlan-Batyr qalasynda dombyra üiırmesın ūiymdastyruşy– Orazbek Seitahmetūly;Moñğoliidağy Mūsylman qoğamynyñ törağasy, Moñğolii Prezidentınıñ janyndağy Dıni keñes müşesı jäne Moñğoliidağy qazaq jastaryn Qazaqstannyñ joğary oqu oryndaryna tüsuıne tūraqty qolğabys körsetuşı – Batyrbek Hadysūly Qazaqstan Respublikasy Prezidentınıñ Tös belgısımen jäne Alğys hatymenmarapattaldy.
«Otandastar qorynyñ» Alğys haty jäne «Alğys» estelık medalı kelesı azamattarğa tabys etıldı.
1. E. Bimbajav – Moñğoliinyñ Qazaqstandağy tūñğyş Elşısı;
2. Ūlyqpan Qamanūly – Moñğoliinyñ Eñbek sıñırgen ūstazy;
3. Aldanyş Ramazanqyzy – Moñğoliinyñ Eñbek sıñırgen sportşysy, 1964 jyly Tokio olimpiadasyna qatysqan tūñğyş qazaq qyzy;
4. Qauymdas Äşımūly – tau-ken injenerı;
5. Erjan Qabyşaiūly – Demokratii partii Saisi burosynyñ müşesı, eks-vise- ministr;
6. Kögerşın Huanganqyzy – «GoGo» aqparattyq agenttıgınıñ jurnalistı;
7. Erlan Amidūly – Hirurg, Hovd aimağynda ötkızıletın «Altai qyrandary» ıs-şarasyn ūiymdastyruşysy;
8. Amangül Şūğataiqyzy – Moñğolii Halyqaralyq qatynastar institutynyñ sarapşysy, Qaşaqstan turaly köptegen maqalalardyñ avtory;
9. Asylbek Bädelhanūly – Selenge aimağy teatrynyñ basşysy.
Eske sala keteiık, Moñğoliinyñ Ūlan-Batyr, Hobda, Bain-Ölgei aimaqtarynda ötıp jatqan Qūryltai būdan ärı kıtap tūsaukeserlerı, eskertkış pen köşe aşu, kışı Qūryltai otyrysy jäne Qarağandy qalasyndağy Tättımbet atyndağy konservatorii orkestrınıñ konsertı sekıldı şaralarğa ūlasady.

.jpeg)

.jpeg)

KEİUANA
Būl sözdı estıgende bırden esımızge alyp mäuelı bäiterektei mañaiyna jan jyluy men meiırım şuağyn şaşqan aq jaulyqty ana, kimeşektı äje oralady. Köz aldymyzğa bütın bır äulettıñ ğana emes, eldıñ ūiytqysy bolğan, bırlık pen berekenıñ bastauyna ainalğan alyp analar keledı. Būl tegın emes. Qazaq qoğamynda qaşanda äieldıñ orny, ananyñ märtebesı joğary bolğan. «Alyp anadan tuady» dep, ūrpaq tärbiesındegı ananyñ rölın erekşe bağalağan.
Qazaq – ejelden qyzyn mäpelegen, qaryndasyna qamqor bolğan, aruyn ailağan, anasyn ardaqtağan, äjesın qūrmet tūtqan halyq. Öitkenı öner ūrpaq, keler buyn, ūlt bolaşağy – ananyñ qolynda. Sondyqtan da qazaq tarihynda esımı elge ūran bolğan, ruğa aty berılgen el analary qanşama. Äjeler instituty äulettı ğana emes, ūltty ūiystyryp otyratyn tälım men tärbie mektebı emes pe?! Ärıge barmai-aq, Şoqannyñ äjesı Aiğanym hanşany, Abaidyñ äjesı Zere anamyzdy aitsaq bolady.
Sol ürdıs älı de üzılgen joq. Būğan Moñğol elın en jailap jatqan qandastarymyzğa saparlap barğanda köz jetkızdık. Qaimağy būzylmağan qazaqy qalypty, aq jaulyqty analarymyz ben könenıñ közındei, danalyqtyñ kenındei bolğan kimeşektı keuanalardy körıp, köñılımız marqaidy. Osynau altyn qūrsaqty analarymyz ben qazynaly äjelerımız tūrğanda qazaqtyñ köşı ğasyrdan ğasyrğa asa beredı. Laiym, solai bolğai.
Surettegı Sailau apa - qolöner şeberı. Ou-örnekpen kömkerıp jasağan kiız üiı Moñğoliinyñ “Juuluchin World Tours” dep atalatyn turizm bağdarlamasyna engen.
Moñğolii qazaqtarynyñ kışı qūryltaiy aisynda “Otandastar qory” KeAQ prezidentı Abzal Saparbekūly Sailau apağa “Är qazaq menıñ jalğyzym” degen jazuy bar “Alğys” medalın tabystady.



