Mäskeude Resei qazaqtary bas qosty

11 May'sym, 2023

Mäskeu qalasynda 10 mausym künı Resei qazaqtarynyñ kezdesuı öttı dep habarlaidy QR SIM qarasty «Otandastar Qorynyñ» baspasöz qyzmetı.  

Atalmyş şarağa ūiytqy bolğan QR Syrtqy ıster ministrlıgınıñ «Otandastar Qory». Osy rette qoğam basşysy Abzal Saparbekūly kezdesudıñ aşylu räsımınde «Reseidıñ törı Mäskeu qalasynda kezdesuge mümkındık tuğanyna şyn jürekten quanyşymdy bıldıremın. Resei Federasiisymen Qazaqstannyñ qarym-qatynasy būrynnan tarihi tūrğydan jalğasyp kele jatyr. Öz kezegınde, Reseidıñ qazaq ūlttyq mädeni ortalyqtary būl yntymaqtastyqqa özınıñ sübelı ülesın qosyp kele jatyr» - dedı. 

 

Körşıles Reseidıñ tükpır-tükpırınde mekendep jatqan barşa qazaqty qamtyğan auqymdy şarağa 100-ge juyq delegat qatysty. Olardyñ arasynda qazaq mädeni ortalyqtarynyñ jetekşılerı, qoğam belsendılerı, ziily qauym jäne jastar ūiymdarynyñ ökılderı bar.

A.Saparbekūlynyñ aituynşa, Reseide 2021 jylğy sanaq boiynşa 600 myñğa juyq qazaq mekendep otyrsa, al odan bölek eñbek migranttary men bılım alyp jatqan studentter sany - 300 myñğa juyq. Sonymen qatar täuelsızdık jyldary körşı elge Qazaqstannan 2,2 mlnğa juyq otandasymyz köşkenın aitqan Qoğam basşysy qandastardan bölek, otandastarymyzdy da nazardan tys qaldyrmaitynyn jetkızdı. 

Resei qazaqtarynyñ atynan söz alğan Reseidıñ ūlttyq mädeni ortalyqtar odağy jetekşısı Gavdylrahym Älıbekov osyndai şarağa mūryndyq bolyp, Altaidan Astrahanğa deiın en jailap jatqan qazaq qandastardyñ basyn qosqan «Otandastar Qoryna» öz rizaşylyğyn bıldırdı. Mäskeu qalasynda 30 jyldan astam tūryp kele jatqan ol aldağy uaqytta mūndai kezdesulerdı jiı ötkızıp tūru kerek degen bastama köterdı. 

 

 

Orynbo r qazaqtarynyñ atynan söilegen Halyqaralyq qazaq tılı qoğamynyñ ökılı Säule Taikeeva bolsa, mūndai kezdesuler tarihta qalatynyn, offlain formattağy basqosuda är öñır öz täjıribelerımen bölısetının jäne mädeni ortalyqtarğa tyñ serpın beretının jetkızdı. Al Omby qazaqtarynyñ ökılı jäne Reseidegı «Qazaq tılı» gazetın şyğaryp kele jatqan Torğyn Äşenova grant alu, qoğamdyq ūiymdarğa qarjy tartyp, ūlttyq mädeniettı damytu jolyndağy tyñ täjıribelerımen bölıstı. 

Jiynda qatysuşylardyñ barlyğy öz oilaryn ortağa saluğa, erkın pıkır alysuğa, ūsynys-tılekterın jetkızuge mümkındık aldy. Qandastar arasynda qazaq tılın üirenu, ūlttyq mädeniettı damytu, salt-dästürlerdı ūstanu, ūlttyq bolmys pen bıregeilıktı saqtaudan bastap, qazaq tılındegı oqulyqtar, tanymdyq ädebietter, mūğalım jaiyna deiıngı özektı mäseleler köterıldı. Sonymen qatar, osynau mañyzdy basqosuda «Otandastar Qorynyñ» qyzmet auqymyn keñeitıp, qandastardy qoldauğa bağyttalğan jobalaryn köbeitu, Qazaqstannyñ şeteldegı qazaq jastaryna arnalğan bılım granttarynyñ talaptaryn jeñıldetu, Qoğam ūiymdastyratyn jazğy lagerdıñ oryn sanyn arttyru jäne Qazaqstanğa tanymdyq saparlar ūiymdastyru sekıldı ūsynystar da ortağa salyndy. 

Aita ketetın jait, Mäskeu qalasynyñ Halyq şaruaşylyğy jetıstıkterı körmesındegı Qazaqstan pavilonynda ötken şara joğary deñgeide ūiymdastyryldy. BŪl kezdesuge kezınde “Üş Tatina” triosymen tanylğan änşı Tatina Poltavskai kelıp qatysty. Künıne 10-12 myñ keluşısı bar Qazaqstan pavilony adam köp keletın ortalyqtardyñ bırı sanalady.

 

 

Eske sala keteiık, QR SIM janyndağy «Otandastar Qory» ötken jyly Orynbor, Omby qalalarynda osyndai şaralar ūiymdastyryp, juyrda Europa qazaqtarynyñ qūryltaiyn ötkızgen edı. Qazırgı tañda körşıles Resei elınde A1, A2, V1 jäne V2 deñgeiındegı qazaq tılı kurstaryn ūiymdastyryp, oğan 24 öñırden 300 juyq etnikalyq qazaq jazylğan. Odan bölek, Qoğam ūiymdastyryp otyrğan «Jazğy lagerge» 68 bala qatysyp, Reseidıñ 12 qazaq mädeni ortalyğyna «Qorjyn» jobasy aisynda dombyra, qazaqtyñ ūlttyq kiımderı, muzykalyq aspaptar men toğyzqūmalaq taqtasy jäne kök tuymyz tartu etılgen.