Azattyq degen asyl söz. Täuelsızdık degen tättı ūğym. Būl – keşegı el üşın egeulı naiza qolğa alyp, ūltaraqtai jer üşın at üstınen tüspegen batyr babalardan qalğan jädıger söz. Bız – ğasyrlar boiy añsap, erkındıkke qoly jetken, arman-mūraty teñ örılgen, tai qazany ortaimağan qazaq degen baitaq el, dana halyqpyz. Mıne, sol baqyt tündıgın aşqan Täuelsızdık bügınde halqymyzğa täñır syilağan qūt-bereke. Osy jalauy jelbıregen 28 jylda qazaq halqy asyqqanyna jetıp, añsağanyn kördı.
Ötkenge salauat. Degenmen, qazaqqa tağdar talai qauqymettı körsettı. Alaida, bız synğan joqpyz: Tar jol, taiğaq keşulerde şyñdaldyq, şyñğa örledık. Bügınde men «Otandastar» qorynda eñbek etemın. Şeteldegı qazaqtarmen jüzdesıp tūramyn, äñgımesın tyñdaimyn, mäselesın şeşuge järdemdesemın. Juyrda bır qandas qaryndasymyz ben bır bauyrymyz qoğamdyq qabyldauğa kelıp öz problemasymen bölıstı. Qytaida tuyp ösken qaryndasymyz qazır Egipetke oqyp jür eken. Qytaida tūratyn äkesı men şeşesı jaqynda belgısız sebeptermen abaqtyğa jabylypty. Män-jaidy bılıp sol jaqqa baraiyn dese qauıp küştı. Ony da qamap qouy mümkın. Qazır qaryndasymyz Düniejüzı qazaqtary qauymdastyğynyñ şaqyrtuymen Qazaqstanda jür. Şetel azamaty bolğandyqtan tarihi Otanynda 3 ai ğana jüruıne qūqyğy bar. Osy az uaqyt ışınde ol Qazaqstan Respublikasynyñ azamattyğyn alyp ülgerse, elde qalyp erkın ömır süre alady. Al azamattyq alu oñai jūmys emes. Būl prosestı jyldamdatudyñ bır joly Qazaqstandyq azamatpen nekege tūru. Qaryndasymyzdyñ qasyna erıp kelgen jas jıgıt bolaşaq jary eken. Osylaişa nekege tūryp Qazaqstannyñ azamattyğyn aluğa äreket etude.
Eger būl qaryndasymyz Qazaqstan azamattyğyn alsa Qytai da, basqa memleket te onyñ qūqyğyna tiıse almaidy. Mıne, Täuelsızdıktıñ aiqyn körınısı.
Bağalai bılseñ basynnan baq qaşpaidy. Al, qasterlei bılmeseñ, qasiettıñ de qūny qalmaidy. Endeşe bız Täuelsızdıktı tu etuımız kerek. Kerek deimın ğoi, jooq, mındettımız!
Nūrymjan Qasymūly Jūmağaziev
"Otandastar Qory" KEAQ Bılım salasynyñ jauapty qyzmetkerı