Senatorlar qandastardyñ mäselelerın nazarğa aldy

10 Sa'y'ir, 2023

QR Parlamentı Senatynyñ Halyqaralyq qatynastar, qorğanys jäne qauıpsızdık komitetınde Senat deputaty Asqar Şäkırovtyñ törağalyğymen şeteldegı otandastarymyz jäne elge köşıp kelgısı keletın qandastarymyzdy qoldau mäselelerı boiynşa 7 säuır künı talqylau öttı. 

Talqylauğa Komitet müşelerımen qatar «Otandastar qory» KeAQ ökılderı men ūiym janyndağy Qoğamdyq komissiinyñ müşesı ardager diplomat, memlekettık qairatker Sailau Batyrşaūly qatysty.   

Talqylaudağy negızgı baindamany Qoğam jetekşısı Abzal Saparbekūly jasady. Şeteldegı qandastardy qoldaudyñ zañnamalyq negızderı, Qoğam qyzmetınıñ basym bağyttary men atqarğan jūmystary, şeteldegı qazaqtar men otandastarymyzdyñ Qazaqstan üşın mañyzdylyğy turasynda aityldy. 

Baindamada erekşe nazar şeteldegı etnikalyq qazaqtardyñ  tüitkıl mäselelerı men olardy şeşudıñ joldaryna erekşe basymdyq berıldı. 

Atap aitqanda:
- şettegı qazaqtardyñ etnikalyq bıregeilıgın saqtap qalu täuekelderı; Osy rette, olardyñ ūlttyq bolmysyn saqtap qalu üşın Ūlttyq dästürlerımızdı nasihattaityn mädeni şaralarmen qatar, oqu-ağartu jäne tärbielık kurstardy ūiymdastyruğa arnalğan jobalardy köbeitu jäne qarjylyq jağynan qamtamasyz etu;
- körşı elderge şekaralas oblystardyñ öñıraralyq yntymaqtastyqta ekonomikalyq-mädeni äleuetın tolyq paidalanu;
- memlekettık kvota negızınde qandas jastarğa bölınetın granttardyñ tiımdı igerılmeuı jäne osy rette JOO qabyldau mehanizmın özgertıp, ŪBT-nyñ ornyna stipendiilyq bağdarlama arqyly oquğa qabyldau turaly;
- qandas märtebesın alu üşın etnikalyq qazaq ekenın rastaudyñ şeşu mehanizmderı;
-  älemnıñ 40-tan astam elındegı 200-ge juyq şeteldegı qazaq mädeni ūiymdarynyñ belsendılıgın arttyru üşın qoldau körsetu;
- şeteldegı qazaq mektepterınıñ materialdyq jäne oqulyq bazasyna memleketaralyq kelısım negızınde kömektesu joldary;
- şeteldegı daryndy jäne tabysty otandastarymyzdy elımızdıñ tūraqty damuyna üles qosuy üşın jobalarğa tartu turaly;

Sonymen qatar, elge köşıp kelgısı keletın qandastardyñ azamattyq alu jäne elge beiımdeu mäselelerı keñınen talqylandy. Elge kelgen qandastarymyzdyñ problemalarynyñ basym köpşılıgı äleumettık sipatta ekenıne nazar audarylyp, olardyñ tiımdılıgı nemese jetkılıksızdıgı töñıregınde söz qozğaldy. Osy rette, olardy tūrğyn üimen, jūmyspen qamtamasyz etu, öz käsıbımen, onyñ ışınde auyl jäne mal şaruaşylyğymen ainalysuyna jağdai jasau, sondai-aq soltüstık oblystarğa köşu jağdaiy siiqty bırqatar mäseleler nazarğa alyndy.

Talqylau barysynda Qoğam ökılderıne Senatorlar tarapynan özektı mäseleler boiynşa sūraqtar qoiyldy. Jiyn qorytyndysy boiynşa Komitet törağasy Asqar Şäkırov memleket basşysy Qasym-Jomart Toqaev şeteldegı qandastarymyzdy qoldap, qamqor boluyna erekşe mañyz beretının, sondyqtan şeteldegı otandastarymyzğa jäne elge oquğa jäne köşıp kelıp jatqan qandastarğa qatysty köterılgen mäseleler nazarğa alynğanyn jäne aldağy kezeñde olardy şeşudıñ tetıkterın odan ary jüielendıru boiynşa naqty sūraular salynatynyn mälımdedı. 

Osy rette, Qoğam öz jūmysy aisynda Komitettıñ qoldauyna jügınuge bolatynyn jäne ūlttyq müddemız tūrğysynan bırge jūmys jasauğa daiyn ekenın jetkızdı.