2022 jylğy 26 qaraşada Türkiinyñ Ystambūl qalasynda, Bağjylar audanynda «Qazaq-türık bauyrlastyğy» eskertkışı saltanatty türde aşyldy. Altaidan Anadolyğa qonys audarğan qazaqtardyñ Türkii memleketın mekendeuıne 70 jyl tolğan mereitoi qarsañynda boi kötergen būl eskertkış ekı el arasyndağy tuystyq, dostyq qarym-qatynastyñ airyqşa belgısı ekenı anyq.
Is-şarany Qazaqstannyñ Respublikasynyñ Türkiidağy Tötenşe jäne Ökılettı Elşısı Erkebūlan Säpiev saltanatty türde aşyp berdı. Bağjylar audanynyñ merı Abdulla Ozdemir myrza Türkiida tūryp jatqan qazaq ūltyna öz rizaşylyğyn bıldırıp, qūttyqtauyn jetkızdı. Kelesı rette Qazaqstan Respublikasy Parlamentı Senatynyñ deputaty, Halyqaralyq qatynastar, qorğanys jäne qauıpsızdık komitetınıñ müşesı Mūrat Baqtiirūly söz söilep, qazaq ūltynyñ qily tarihyna toqtalyp, türık halqynyñ bauyrlastyğyn tılge tiek ettı. «Bırlık» qazaq jastary ūiymynyñ törağasy Aslan Serık qazaqtyñ qara dombyrasymen «Qazaq osy» änın oryndap, jinalğan qauymnyñ yqylasyna bölendı.
Öz kezegınde «Otandastar qory» KeAQ Prezidentı Abzal Saparbekūly Qazaqstan men Türkiinyñ araqatynasyna toqtalyp, bırlıgı bekem memleketter ekenın aityp öttı. Sonymen qatar Bağjylar audanynyñ äkımıne şapan jauyp arnaiy syilyq tabystady.

Eskertkış avtory «Qazaqstannyñ Eñbek sıñırgen qairatkerı», QR Körkemsuret Akademiisynyñ bırınşı-vise prezidentı, belgılı suretşı, rejisser, telejurnalist - Janūzaq Müsäpır myrza eskertkıştıñ jasaluy men tarihyn tanystyrdy.

Eskertkış aşylu räsımınen keiın Qazaq köşınıñ 70–jyldyğyna orai ūiymdastyrylğan “ŪLY KÖŞ” taqyrybynda fotosuretter men QR Joğary oqu oryndarynyñ bılım körmesımen tanysu ūiymdastyrylyp, jiynğa jinalğan qauym estelıkke suretke tüstı.
