2022 jylğy 4-5 qaraşada bağzydan bauyrlas körşımız - Qyrğyz elınıñ astanasy Bışkek qalasynda «Qyrğyzstandağy qazaqtar qauymdastyğynyñ» 30 jyldyq mereitoiyna arnalğan ıs-şaralar bastau aldy. Şara Qazaqstan Respublikasynyñ Qyrğyz elındegı elşılıgınıñ jäne Jambyl oblysy äkımdıgınıñ qoldauy negızınde «Otandastar Qorynyñ» ūiymdastyruymen ötude.
Qazaq-qyrğyz elderı ejelden-aq tamyry tereñ tatu körşılık ornatyp, baiğydan-aq barys-kelıs pen alys-berıs aisy anağūrlym keñeigen müddeles memleketter ekenı beseneden belgılı.
Qyrğyzstan - bız üşın tamyrlas, tağdyrlas jäne bauyrlas memleket. Ekı el arasynda sauda-ekonomikalyq, investisiilyq jäne mädeni-gumanitarlyq saladağy yntymaqtastyq aisy keñeie tüsude. Elderımız aimaqtyq jäne jaHandyq mäselelerde özara yqpaldastyq pen yntymaqtastyqqa asa mañyz berude.
Sonyñ arqasynda qazır qazaq-qyrğyz qatynasy jaña deñgeige köterıldı deuge tolyq negız bar.
El tynyştyğy men tūraqtylyqty, Qyrğyzstandy meken etken halyqtar arasyndağy dostyq, yntymaqtastyq qatynastardy nyğaita tüsuge Qyrğyzstandağy qazaq qauymdastyğy da zor septıgın tigızıp jür.
Merekelı mereitoi aisyndağy alğaşqy ıs-şara Qyrğyz Respublikasynyñ Alyqūl Osmonov atyndağy Ūlttyq kıtaphanasynda «Qazaqstan-Qyrğyzstan: 30 jyldyq dostyq pen yntymaqtastyq» atty otyryspen bastaldy. «Döñgelek üstel» formatynda ötken kezdesudıñ basty sebebı - azattyqtyñ aq tañymen qatar kelgen «Qyrğyzstan qazaqtary qauymdastyğynyñ» 30 jyldyq mereitoiy bolğandyqtan auqymy keñ ıs-şara ejelden enşısı bır egız halyq - qyrğyz bauyrlarmen bırlese ūiymdastyryldy.
Döñgelek üstel Qyrğyzstan Respublikasy Mädeniet, aqparat, sport jäne jastar saisaty Ministrınıñ qūttyqtauymen bastaldy.
Sonymen qatar Qazaqstan Respublikasynyñ Qyrğyz Respublikasyndağy Elşısı Räpıl Seithanūly - Biyl Täuelsız el retınde Qazaqstan men Qyrğyzstan arasyndağy diplomatiilyq qarym-qatynastyñ 30 jyldyq merekesı ūltymyzdy ūiystyrğan Qauymdastyqtyñ mereitoiymen tūspa-tūs kelıp otyrğanyna toqtaldy.

Qazaqstandyq delegasiiny bastap barğan «Otandastar qorynyñ» Prezidentı Abzal Saparbekūly osy mereitoidyñ joğary deñgeide atap ötıluıne airyqşa yqylas bıldırgen Qyrğyzstan basşylyğyna, Qyrğyzstannyñ Halyqtar Assambleisyna, Qazaqtar qauymdastyğyna, qoğamdyq ūiymdarğa, janaşyr ağaiyndar men belsendı qandastarğa riisyz rizalyq bıldırıp, aqjarma alğysyn aitty.
Abzal Saparbekūly öz sözınde bır-bırıne degen osyndai ystyq yqylasty qatynastyñ ırgesın qalyptastyrğan Mūhtar Äuezov, Şyñğys Aitmatov, Mūhtar Şahanov syndy ekı ūlttyñ ūly tūlğalary ekenın maqtanyşpen atap öttı.

Öz kezegınde jyly lebız bıldırgen Qyrğyzstan Halqy Assambleisynyñ törağasy, ataqty akademik Abdyğani Erkebaiūly Erkebaev ta ejelden tatu ekı eldıñ arasyndağy berık dostyqtyñ tarihi tamyry tereñ ekenın tebırene jetkızdı. Özınıñ de qazaq dostary köptıgın maqtan tūtyp, olardyñ jaqsy qasietterın därıptedı.
Qazaqstannyñ Eñbek Erı, Halyq jazuşysy, Qazaqstan Respublikasynyñ Qyrğyzstandağy tūñğyş Elşısı, Qyrğyz Respublikasynyñ halyq aqyny Mūhtar Şahanovtyñ jan terbeter jaqsy sözderı eldı erıksız eljırettı. «Adamzattyñ Aitmatovy» atanğan Şyñğys dosym fäniden baqiğa ozğaly janym jabyrqap, jalğyz qalğandai küi keşıp jürmın» degen bır auyz sözınıñ özı tonnyñ ışkı bauyndai, bırge tuğan bauyrdai ekı eldıñ egızdei üilesımınıñ ülgısı boldy. Jasampaz halyqtardyñ jarqyn bolaşağy jastardyñ qolynda ekenın aitqan aqiyq aqyn öskeleñ ūrpaqqa öleñdete bata berdı.

Tūğyrly tūlğadan keiın söz alğan taraptar tatu körşılık saisatyn damudyñ jaña satysyna köteru jönınde kelelı söz qozğap, oi-pıkırlerın ortağa saldy. Jaima şuaqty äñgıme auanymen aiqtalğan jiyn soñynda alys-jaqyn şet elderdegı qalyñ qazaqtyñ qamyn oilaityn «Otandastar qorynyñ» basşysy Abzal myrza körşıles eldegı qandastar qauymyna atajūrttyñ atynan arnaiy «Qorjyn» toptamasyn tartu ettı. Esten ketpes estelık retınde qazaqtyñ qasiettı dombyrasynan bastap, ūlttyq kiımder, bağaly kädesyilar ūsynyp, ūlttyq qūndylyqtarymyz tağy bır ūlyqtaldy.
Kezdesude arqa-jarqa köñılmen jarasa qauyşyp, quana tarasqan qandastar men köñılı tatu körşımız - qyrğyz ağaiyndar keşkılık şekaralas Jambyl oblysynyñ Kenen Äzırbaev atyndağy filarmoniisy önerpazdarynyñ mereitoiğa arnaiy ala kelgen än-şaşuyn tamaşalady. Tarazdyq sahna sañlaqtary mereitoi qonaqtarynyñ meiırın qandyryp, qandastarymyzdyñ abyroiyn asyrdy.

Sonymen qatar, konserttık bağdarlama aisynda Qyrğyz Mädeniet, aqparat, sport jäne jastar saisaty Ministrınıñ orynbasary - Samat Bektūrūly Şatmanov, Jogorku Keneştıñ Halyqaralyq ıster, qorğanys, qauıpsızdık jäne köşı-qon komitetınıñ törağasynyñ orynbasary Lurova Leila Hiinovna söz söilep riisyz alğystaryn bıldırdı.
Bışkek qalasyn qazaqtyñ halyq änderımen äldilep, qyrğyz aspanyn küi kümbırımen terbetken öner keşı köpşılıktıñ jadynda jattalyp, körermen köñılınde köpke deiın saqtalyp qalary anyq.

