28.11.2019 jyly «Otandastar qory» KEAQ jäne «Düniejüzı qazaqtarynyñ qauymdastyğy» RQB şet elderdegı qazaq diasporasynyñ tarihi Otanymen mädeni-gumanitarlyq jäne ıskerlık yntymaqtastyğyn odan ärı damytu üşın jağdai jasau maqsatyndağy memlekettık tapsyrma aisynda otandastardyñ qatysuymen «Otandastar. Bolaşaqqa bağdar» atty Halyqaralyq döngelek üstel öttı.
Jiynğa QR Memlekettık hatşysy Q.E.Köşerbaev, QR Premer-Ministrınıñ orynbasary B.M. Saparbaev, QR aqparat jäne qoğamdyq damu ministrı D.Ä. Abaev, parlament deputattary, ministerstvo men vedomstvolardyñ ökılderı, ziily qauymdary, biznes ökılderı jäne basqalar qatysty. «Otandastar Qory» KEAQ Prezidentı N.Ä. Äbıqaev Qordyñ ıske qosqan jäne jüzege asyrğan jobalary, olardyñ nätijelerı, otandastarmen jūmystyñ 2020 jylğa arnalğan jospary jaily söz söiledı. Şet elderdegı qazaq qauymdastyqtarynyñ jetekşılerı de öz ūiymdarynyñ jūmystary jönınde äñgıme aitty.


Şara aisynda Düniejüzı qazaqtarynyñ qauymdastyğy men Qor ökılderı qyzmetterınıñ negızgı bağyttary, şet elderdegı qandastarmen mädeni-gumanitarlyq jäne ıskerlık bailanysty keñeitu ärı nyğaituğa arnalğan «Qazaq üiı» jobasy, onyñ qūramyna kıretın ıskerlık üilerı men mädeni ortalyqtarynyñ älem boiynşa jelısın qūru jospary talqylanyp, bırlesken jūmystyñ naqty ūsynystary äzırlendı.
Qatysuşylarğa Qazaqstannyñ investisiilyq äleuetı men öñırlerde biznestı damytu üşın jasalğan jağdailar jaiynda aqparat berıldı.
«Atameken» ıskerlık üiınıñ paneldık sessiisynda Iskerlık üiınıñ maqsaty men mındetı, otandastardy konsultasiilyq qoldau ortalyğynyñ jūmysy jaily aityldy. Şet elderde ötkızılgen biznes forumdar qorytyndylandy. Türkii, AQŞ, Europa elderınen kelgen qandas käsıpkerler söz söilep, «QazAgro», «Bäiterek» holdingterı men «Qazaqİnvest» ŪAQ öz taraptarynan qandas käsıpkerlerdı qoldau mümkındıkterımen bölıstı.
Şet elderdegı qazaqtıldı BAQ ökılderınıñ qatysuymen ötken paneldık sessiida şet elderdegı qazaqtıldı BAQ pen jurnalisterdıñ özara yntymaqtastyq mäselesı talqylandy.
«Abai» mädeni ortalyğynyñ paneldık sessiisynda mädeni ortalyqtyñ maqsaty men mındetı, şet elderde qazaq mädenietı men önerın damytu, bılım beru jobalaryn ıske asyru, elımızde turistık klasterdı damytu jäne elımızdıñ turistık tartymdylyğyn arttyru, barlyq elde qazaq ädebietı ortalyğynyñ jelısın qūru mäselelerı talqylandy. «Otandastar» Qorynyñ jobasy – «Älemdegı tanymal qazaqtar turaly» kıtaby men «Mūzbalaq» animasialyq filmı tanystyryldy.
«Jas Qazaq» jastar klubynyñ paneldık sessiisynda şet elderdegı qazaq jastaryn tarihi Otanynyñ ainalasyna şoğyrlandyru jäne olarğa jan-jaqty qoldau körsetu, diasporalyq jäne jastar saisaty salasyndağy özara ärekettestık jäne serıktestık aisyn keñeitu, jas belsendılerdı tanystyru, olardyñ dostyğyn nyğaitu, tarihi Otanyna degen patriottyq sezımderın qalyptastyru, Qazaqstan Respublikasynyñ barlyq jastar ūiymdarynyñ ıs-şaralaryna diaspora ökılderın qatystyru, özara bırıkken jūmys josparyn qūryp, jūmys ısteu mäselesı talqylandy.
Sessii qorytyndysynda «Qazaq elı» jastar kluby jūmysynyñ kelesı jyldarğa arnalğan jospary bekıtıldı.
Jiynğa etnikalyq qazaqtar tūratyn 26 elden 150 delegat qatysty.