Sessiiğa Aqparat jäne qoğamdyq damu vise-ministrı Marat Äzılhanov, KEAQ vise-prezidentı Mağauii Sarbasov, «QazAqparat» HAA bas direktory Asqar Umarov, Otandastar» Özbekstan, Moñğolii, Resei, Türkii, İran, Qytai elderınen kelgen 12 qazaqtıldı BAQ-tan 17 ökıl men otandyq jurnalister qatysty.
Aqparat jäne qoğamdyq damu vise-ministrı Marat Äzılhanov qatysuşylardy qūttyqtap, sessiiny aşyp bergen soñ söz alğan «QazAqparat» halyqaralyq aqparat agenttıgınıñ bas direktory Asqar Umarov «Şeteldegı qazaq tıldı BAQ-tardy bırıktıru bastamasy byltyr şyqqan. «Otandastar» qory men Aqparat jäne qoğamdyq damu ministrlıgı bastamany qoldady. Osy rette şeteldegı qazaq tıldı BAQ-tardyñ qauymdastyğyn qūru ideisyn ortağa salğymyz keledı. Būl – öte qajettı jäne zamanğa sai joba. Älem elderıne qarasaq, orys, azerbaijan, armin tıldı BAQ-tardyñ qauymdastyqtary barşylyq. Türkı tıldes halyqtarda da bar. Sondyqtan, bızge de qazaq tıldı BAQ-tardyñ qauymdastyğyn qūryp, bailanys ornatuğa bolady. Bır-bırımızge osylaişa kömek-qoldau bıldıre alamyz», - dedı. Öz kezegınde «Otandastar» KEAQ vise-prezidentı Mağauii Sarbasov osyndai bastama köterıp otyrğan «QazAqparat» Halyqaralyq aqparat agentıgıne alğysyn bıldırdı. «Bızge qoldau körsetıp, qauymdastyq qūruğa niet bıldırıp otyrğan «QazAqparat» halyqaralyq aqparat agenttıgıne alğys aitamyz. Pıkır almasaiyq. Ūsynystardyñ bärın tyñdağymyz keledı. Şeteldegı qandastarymyz qazaq tılınde ötetın bağdarlamalardy sağyna körıp, tyñdaityndaryn aitady. Älbette, öte jaqsy bastama», - dedı ol. Jiyn barysynda sondai-aq, Qazaqstan men şet elderde qazaq tılınde şyğatyn BAQ arasynda yqpaldastyq, yntymaqtastyq pen ärıptestık bailanys ornatu mäselelerı keñınen talqylandy. Sessii qorytyndysy boiynşa şet eldegı qazaq tıldı BAQ qauymdastyğyn qūru turaly şeşım qabyldandy.
Mälımet üşın: Qazırgı uaqytta şetelderde qazaq tıldı būqaralyq aqparat qūraldarynan Moñğoliida «Qazaqnus» portaly, «Şūğyla» jurnaly, «Jaña däuır gazetı», Bain-ölgei» aimaqtyq radiosy jūmys ıstep tūr. Al İranda «Parstudei» aqparattyq agenttıgınıñ qazaq bölımı men qazaq radiosy habar taratsa, Türkiida «Qazaq elı» jurnaly, Reseide «Omby qazaqtary» men «Aq arna» gazetterı şyğady. Al Özbekstanda «Nūrly jol» respublikalyq gazetı, «Kenimeh tañy» audandyq gazetı, Nauai teleradiokompaniisy, «Altyn aimaq» bağdarlamasy bar.