«Atameken» şet elderde tūratyn etnikalyq qazaqtar men otandastardy qoldau bağytynda memorandumğa qol qoidy

22 Qaras'a, 2019

«Atameken» ŪKP jäne «Otandastar Qory» kommersiilyq emes aksionerlık qoğamy arasynda özara tüsınıstık jäne yntymaqtastyq turaly Memorandumğa qol qou räsımı öttı. 


Kelısımge «Otandastar» qorynyñ prezidentı Nūrtai Äbıqaev pen palatanyñ Basqarma Törağasy Abylai Myrzahmetov qol qoidy.  
Atap öteiık, «Otandastar» qory - şet elderde tūratyn etnikalyq qazaqtar men otandastardy qoldau jūmysy boiynşa memlekettık organdar jäne ükımettık emes ūiymdarmen naqty bağyttardy aiqyndap, serıktestık tanytyp qyzmet etıp kele jatqan ūiym. 
Memorandum «Atameken» ŪKP men Qordyñ köptegen bağytta tyğyz bailanysta jūmys atqaruy üşın qūqyqtyq negız bekıttı. Mäselen, qūrylymynda call-ortalyq pen öñırlık qoğamdyq qabyldauy bar ūiymnyñ otandastardy aqparattyq qoldau ortalyğyna «Atamekende» jinaqtalğan käsıpkerlık turaly bılım bankın paidalanu, biznestı qūru jäne damytu, palata jüzege asyratyn bağdarlamalar boiynşa oqu, investorlar men startaptardy ızdeu mümkındıgı tudy.  


Sonymen qatar yntymaqtastyq aisynda «Menıñ Atamekenım» jäne biznes salasyndağy şeteldık qazaqtardyñ ūiymdaryn älem boiynşa bır jelıge bırıktıretın «Atameken» Iskerlık üiı» jobasyn ıske asyru mäselelerı de qamtyldy. Etnikalyq qazaqtardyñ tarihi otanyna jappai köşuın yntalandyrudy qarastyratyn «Temır qazyq» bağdarlamasyna derbes basymdyq berıldı.  
 «Otandastar» qory men «Atameken» ŪKP bırlesken jūmysynyñ aldağy bağyttary «OTANDASTAR. BOLAŞAQQA BAĞDAR» halyqaralyq döñgelek üstel aisynda ötetın «Atameken» Iskerlık üiınıñ» paneldık sessiisynda kezınde naqtylanady.  Atalğan şara biyl 28 qaraşada Nūr-Sūltan qalasynda ötedı, jiynğa 20 eldegı qazaq diasporasynan 150 delegat qatysady.

Меморандум о сотрудничестве подписали «Атамекен» и «Отандастар»