«Otandastar» qory men Düniejüzı qazaqtarynyñ qauymdastyğy ağartu kökjiegın keñeitude
«Otandastar» qory Resei Federasiisy Astrahan oblysynyñ ekı audanynda qazaq tılın oqytatyn kabinetter aşty. «Nikita Ysqaqov atyndağy Semibugoren orta mektebı» munisipaldy qazynalyq jalpy bılım beru mekemesı qazaq tılıne arnap jeke kabinet böldı.

Ol kabinette qazaqtyñ ūlttyq mädenietı, önerı, ädebietı, tūrmystyq būiymdarymen tanysuğa bolady. Qor ökılı Säbi Tüitebekov atalğan kabinetke Qazaqstannan arnaiy äkelıngen syilyq-Qasterlı qalam kıtabyn syilady. Kabinet Otandastar Qorynan televizor, beinekamera, noutbuktar tärızdı qūndy syilyqtar jetkızılgennen soñ aşylady. Mektep direktory Rimma Säbitqyzy İbragimova Qazaqstannan arnaiy kelgen qonaqty ystyq yqylaspen qarsy alyp, qandastarğa qamqorlyğy üşın Qor men Düniejüzı qazaqtarynyñ qauymdastyğyna alğys aitty.

Ekınşı kabinet Volodar audany Kalinin auylynda aşylady. Akademik Erejep Mämbetqaziev atyndağy Kalinin orta mektebınıñ direktory Arman Nūrlievtyñ aituynşa qazaq tılı kabinetı Qor syilağan eñ zamanaui jabdyqtarmen jabdyqtalady.
Astrahan oblysynda resmi derek boiynşa ömır süretın 160 myñ etnikalyq qazaqtyñ basym bölıgı auyldyq jerlerde tūrady. Mäselen, Kalinin auyly tūrğyndarynyñ 99,9 paiyzy qazaq. Olar ūlttyq salt-dästürdı saqtau üşın barlyq mümkındıktı paidalanuda. Qordyñ atalğan auyl mektebınde qazaq tılı kabinetın aşuy şet eldegı qandastarymyzdy tarihi otanymen būrynğydan da jaqyndastyratynyna senım mol.