
2021 jylğy 14-15-qazan künı Pavlodar qalasyndağy Estai atyndağy mädeniet saraiynda «Qasiettı qazaq elı» halyqaralyq öner festivalı öz jūmysyn bastaidy. Festivalğa şetelde tūratyn, sondai-aq, älı azamattyq almağan eldegı qandastar qatysady.
Jyl saiynğy dästürlı festival, biyl – Qazaqstan Respublikasy Täuelsızdıgınıñ 30 jyldyğy aisynda Qazaqstan Respublikasy Aqparat jäne qoğamdyq damu ministrlıgı qoldauymen «Otandastar qory» KeAQ men «Düniejüzı qazaqtary qauymdastyğy» qoğamdyq bırlestıgımen bırlesıp ötkızıledı.
Festival aisynda vokal-dästürlı än aitu, jyr müşäirasy, terme saiysy ötıp, qolönerşılerdıñ üzdık tuyndylary jiylğan jūrtşylyqqa körsetıledı. Öner festivalıne elımızdıñ är öñırınen keletın qandastarymyzdan bölek, Türkii, Moñğolii, Resei, Qytai, Özbekstan siiqty memleketterden qyryq önerpaz qatysady dep josparlanğan.
Şeteldegı daryndy qazaqtardyñ qolönerdı, söz önerın, än men termeşılık dästürdı meñgerudegı şyğarmaşylyq şeberlıgıne basa nazar audarylyp, olardyñ ūlttyq naqyşta jasalğan būiymdary, kädesyilary, öleñderı men oryndauşylyq şeberlıgı jūrtşylyqqa tanystyrylady.
Sondai-aq, qandastarymyzdyñ är aluan elde tūrsa da bır tūtastyğy men otansüigıştıgın keñınen nasihattau közdelgen.
«Qasiettı qazaq elı» halyqaralyq öner festivalınıñ Gran-pri iegerı men jüldegerlerge arnaiy tösbelgıler men diplomdar, bağaly syilyqtar tabystalady.
Festival laureattaryn saltanatty marapattau räsımı tanymal şyğarmaşylyq oryndauşylardyñ qatysuymen ötetın Gala-konsertke ūlasady.