Ūlanbatyrda qandastardyñ qatysuymen kezdesu öttı

13 Qaras'a, 2019

Moñğolii astanasy Ūlanbatyrda ğylym jäne tehnologii universitetınıñ rektory  Baatar Ochirbattyñ tıkelei qoldauymen qazaq ūlty jastarymen kezdesu ūiymdastyryldy. Kezdesuge Düniejüzı qazaqtary qauymdastyğynyñ Ūlanbatyrdağy ökılderı, Moñğolii qazaqtarynan şyqqan öner, bılım salasy, qoğamdyq qyzmet, käsıpkerlık ökılderı, JOO studentterı- barlyğy 90 -dai adam qatysty. Jiynda «Otandastar qory» KEAQ biznes jäne jobalardy akselerasiilau departamentınıñ üilestıruşısı Bolat Zauytūly men mädeni-gumanitarlyq ğylymdar departamentınıñ sarapşysy Ana Şakerhanqyzy qor jūmysymen tanystyrdy.


         Atap aitqanda, Qor jüzege asyryp jatqan ülken jobalardyñ bırı - etnikalyq qazaqtar şoğyrlanğan elderde qazaq tılın qaşyqtan oqytatyn «onlain» «Qazaq»  klasstaryn aşu jäne «Qazaq uii» mädeni-ıskerlık jobasy jaiynda jan jaqty mälımet berıldı. Qazaq tılın internet arqyly Skype  onlain rejımde tegın üiretetın joba damyğan elderdıñ mol täjıribelerın zerttep, şeteldegı qandastardyñ sūranystaryn eskerıp jasalğan. 
        Kezdesuge kelgender jiyn barysynda özderın qyzyqtyrğan sūraqtarğa naqty jauap alumen qatar, ūsynys tılekterın de bıldırdı. 


        Solardyñ bırı AQŞ pen Japoniida halyqaralyq qatynas, lingvistika boiynşa bılım alyp, Japoniida 10 jyl jūmys ıstegen «Altai ünı» qoğamdyq bırlestıgı jäne Jei Pi partners (JP Partners Co.LTD) JŞS atqaruşy direktory Janbolat Haisanaiūly. Qandasymyz bügınde Ūlanbatyrda ekı oqu ortalyğynyñ Japoniimen bırlesıp 12 jyl jūmys ısteitının aita kele «Qazaq klasy» ortalyq bazasyn aşyp, qazaq tılın üirengısı keletınderge kömektesuge daiyn ekenın jetkızdı. Tarihi otanym Qazaqstanda biznesımdı damytyp, Japoniimen qarym - qatysty jan jaqty nyğaituğa,  aqparattyq tehnologiinyñ soñğy jetıstıkterın paidalanuğa kömektesuge, elge turizm ūiymdastyru ısıne atsalysuğa daiynmyn degen ol, qor ökılderın oqu ortalyğyna şaqyrdy.