5 qaraşada Omby qalasynda osynda tūratyn qandastarymyz ben otandastardyñ basyn qosqan biznes-forum öttı

08 Qaras'a, 2019

5 qaraşada Omby qalasynda osynda tūratyn qandastarymyz ben otandastardyñ basyn qosqan biznes-forum öttı. Būl şara şet elde tūratyn etnikalyq qazaqtar men sol elderge qonys audarğan otandastarymyzben bailanys ornatu jäne nyğaitu jönınde Qazaqstannyñ Tūñğyş Prezidentı–Elbasy bergen tapsyrmany jüzege asyru maqsatynda qūrylğan «Otandastar Qory» bağdarlamasynyñ bır bölıgı.        

                                                                    

Qordyñ bırınşı vise-prezidentı Talğat Mübarakūly Aduov forumğa qatysuşylardy qor qūrylymy men onyñ jūmys ısteu mehanizmderı turaly aityp berdı. Jiyn qonaqtary älemdegı qazaq diasporasyn bırıktıretın qūramyna «Atameken» ıskerlık üiın men «Abai» mädeni üiı kıretın «Qazaq üiı»  mädeni- ıskerlık üiı jobasyna erekşe nazar audardy.       

                                  

Talğat Mübärakūlynan keiın söz alğan "Otandastar Qory" KEAQ Biznes jäne jobalardy akselerasiilau departamentınıñ keñesşısı Äzımhan Eltaiūly Ausatov «Atameken» ıskerlık üiı qyzmetın täptıştep aityp, onyñ şet eldegı qandas käsıpkerlerge bererı jaily äñgımeledı.                                               

Forumğa qatysuşylar būl aqparatty qyzyğuşylyqpen qabyldady jäne qysqa merzımde "Atameken" ıskerlık üiınıñ damuyna qatysty öz ūsynystaryn ūsynatyndyqtaryn jetkızdı.                                                                                        

Būdan ärı biznes şaqyrylğan sarapşylar "Omarta" respublikalyq bal şaruaşylyğynyñ vise-prezidentı Nūrädıl Ğabit Nūrädılūly omarta biznesın ūiymdastyru erekşelıkterı, memlekettık jäne memlekettık emes qoldaular,  ony  Qazaqstan men şet elderde damytu äleuetı turaly, al «Astana hub» ökılı Qanat Erıkūly Keldıbekov SEO «Saccess LLP» JŞS äzırlegen, ūily telefondağy bağdarlama arqyly basqarylatyn innovasiilyq zamanaui qūlyptardy tanystyrdy.                                                                 

Qatysuşylar tarapynan söz alğan Omby qazaqtary qauymdastyğynyñ ökılı Alina Smykova etnikalyq belgısı bar önım şyğaratyn şeberhana ūiymdastyryp, ony Resei öñırlerıne  taratu mümkındıgın qarastyru jaily, Rinat Tökenov memleket-jekemenşık serıktestıgı boiynşa ūlttyq  nyşanda balabaqşa qūrudy, ondai mekemenıñ qazır öte qajet ekenı turaly aitty.  Serık Rahymov bolsa Reseiden Qazaqstanğa astyq pen qiyrşyq tas jetkızudegı qiyndyqtar jaily aityp, qor ökılderınıñ osy mäselenıñ şeşıluıne kömektesuın sūrady.       

Mahabbat Köptūrov bolsa Omby öñırñne qazaqstandyq baldy taratu boiynşa dilerlık jelı qūruğa qyzyğuşylyq bıldırdı.                

Biznes forumğa qatysuşylar jiyn soñynda Omby öñırı qazaqtarynyñ oblysta «Abai» mädeni üiınıñ qūryluyna qoldau körsetuge, «Otandastar» qory ūiymdastyratyn ıs-şaralar men jobalarğa qatysuğa jäne biznes yntymaqtastyqqa öz ūsynystaryn äzırleuge daiyn ekendıkterın jetkızdı.

5 ноября прошел бизнес-форум с соотечественниками, проживающими в городе Омск и в Омской области.