Stokgolm qalasynda Şvesii, Danii, Norvegii, Finlindiida tūratyn otandastardyñ basyn qosqan biznes forum öttı. Şarany Düniejüzı qazaqtarynyñ qauymdastyğy men «Otandastar» Qory men ūiymdastyrdy Iskerlık bailanysty qalyptastyru mäselelerı jaily jan-jaqty pıkır almasuğa Soltüstık Europadağy qazaq diasporasynyñ köşbasşylary jäne belsendılerı sonymen qatar, QR Şvesiidağy elşısı Qairat Äbdırahmanov, Düniejüzı qazaqtarynyñ qauymdastyğy törağasynyñ orynbasary Arğyn Ospanov, «Otandastar» qorynyñ jauapty qyzmetkerlerı, Şvesiinyñ Qazaqstandağy tūñğyş elşısı Manne Venborg, Qazaqstannyñ Danii, Finlindii, Şvesiidağy qūrmettı konsuldary qatysty. Iskerlık jiynğa, sonymen qatar atalğan elderdıñ kompaniilarynda jūmys ısteitın qazaqstandyqtar men jün öñdeu, auyl şaruaşylyğy, agroturizm jäne basqa da bolaşağy bar jobalarmen ainalysatyn Türkıstan jäne Qarağandy oblystarynyñ biznesmenderı keldı.


Düniejüzı qazaqtarynyñ qauymdastyğy men Qor ökılderı qyzmetterınıñ negızgı bağyttary, onyñ ışınde şet elderdegı qandastarmen mädeni-gumanitarlyq jäne ıskerlık bailanysty keñeitu ärı nyğaitudy közdegen «Otandastar» qorynyñ negızgı jobalarynyñ bırı «Qazaq üiı» Qazaq mädeni-ıskerlık üiınıñ qūramyna kıretın ıskerlık üilerı men mädeni ortalyqtarynyñ älem boiynşa jelısın qūru josparymen tanystyrdy. Forumğa qatysuşylarğa Qazaqstannyñ investisiilyq äleuetı men öñırlerde biznestı damytu üşın jasalğan jağdailar jaiynda aqparat berıldı.


Şvesiidağy qazaqstandyq jastar Qauymdastyğynyñ töraiymy Aidana Bekbergen forumğa qatysuşylar aldynda tarihta tūñğyş ret otandastardyñ jas buynyna ündeu jazylğan, tek 2025 jyly aşylatyn elektrondy formattağy uaqyt kapsulasyn saldy.
Qatysuşylar delegasii qūramyndağy käsıpkerlerdıñ ūsynystaryna aitarlyqtai qyzyğuşylyq tanytty. «Şymkent Kaşemir» jün öñdeu fabrikasynyñ qūryltaişysy ärı basşysy Ş.Qanjarbaiūly skandinavii elderıne önımderın ötkızudı jolğa qou jaiyn qozğasa, «Toksumak» bıregei eko-agro-auyl avtory O.Omarov bır jağynan auyl tūrğyndarynyñ äleumettık ahualyn nyğaitatyn, ekınşı jağynan elge oralğan qandastarğa berık baza bolatyn jobalarğa investisii tartu turaly oiyn ortağa saldy. Biyl altynşy ret ūiymdastyrylyp otyrğan, Şved astanasynda ötken şara älemdegı qazaq diasporasy men qazaqstandyqtardyñ tarihi Otan töñıregınde bırıguınıñ jemıstı ülgısı boldy.