«Otandastar qory» kommersiilyq emes aksionerlık qoğamy janyndağy Qoğamdyq Komissiisy «Şeteldegı otandastardy memlekettık qoldau turaly» Qazaqstan Respublikasy Zañ jobasyn talqylady.

16 Qazan, 2019

2019 j.  26 qyrküiek, 16:00                                                     «Nur Otan» ğimaraty

Nūr-Sūltan q.                                                                             4 qabat, mäjılıs zaly

 

 

QR Tūñğyş Prezidentı - Elbasy N.Ä.Nazarbaev 2017 jyly ötken                Düniejüzı qazaqtarynyñ 5-şı qūryltaiynda şeteldegı qazaqtardy qoldaudy qūjattamalyq qamtamasyz etu jönınde naqty tapsyrmalardy belgıledı. Osy rette «Otandastar qory» KEAQ QR Aqparat jäne qoğamdyq damu ministrlıgımen bırıgıp şeteldegı qazaqtardy qoldau jäne erıktı qonys audaru mäselelerın retteuge bağyttalğan Zañ jobasy äzırleude.

Atalğan zañ jobasy jäne elge oralğan ağaiyndarğa körsetıletın qyzmetter jönınde sūraqtar «Otandastar qory» KEAQ janynan tūraqty jūmys ısteitın keñesşı alqa retınde qūrylğan Qoğamdyq Komissiinyñ kezektı otyrysynda talqylandy. 

 

         Qoğamdyq Komissiinyñ kün tärtıbı:

  1. Elge oralğan qandastardyñ mäselelerın retteitıñ qazaqstandyq zañnama jüiesı jäne şeteldegı qazaqtardy memlekettık qoldau turaly zañ jobasynyñ barysy.

2. QR IIM Köşı - qon qyzmetı tarapynan repatrianttarğa qyzmet körsetudı oñtailandyru jäne avtomattandandyru şaralary.

«Otandastar Qory» KEAQ-nyñ vise - prezidentı M. Sarbasov, – «Zañ jobasyn qabyldaudyñ maqsaty şeteldegı otandastardy memlekettık qoldauğa bailanysty qoğamdyq qatynastardy retteudıñ qajettı qūqyqtyq negızın qūru bolyp tabylady.

Zañ jobasynyñ basty jañaşyldyğy – ūsynylyp otyrğan Qazaq kartasy etnikalyq qazaqtardy, sonymen qatar şet memleketterınde tūryp jatqan būrynğy otandastarymyzdy qoldauğa bağyttalğan mañyzdy qūjat bolyp tabylady.

Qazaq kartasyn ūsynudyñ maqsaty - mädeni mūra men tıldıñ, tarihtyñ, salt-dästürlerdıñ, sondai-aq Qazaqstan halqynyñ tuystyq, etnikalyq jäne tıldık qūndylyqtarynyñ ortaqtyğyn qoldau.

Osy rette, Qazaq kartasy tarihi jäne etnikalyq Otany şeteldegı qazaqtardyñ qonys audaruyna septıgın tigızedı, Qazaqstanmen jan-jaqty bailanystaryn jandandyruğa jaña sapalyq dengeige şyğarady jäne şet eldegı otandastarymyzdyñ tarapynan innovasiilar men investisiilardy Qazaqstanğa tartu üşın jaña mümkındıkter tuğyzady dep kütılude.

Sondai-aq, talqylanğan Zañ jobasynyñ tūjyrymdamasy men zañ jobasy tolyğymen memlekettık tılde äzırlendı», - dep atap öttı.

 

Anyqtama retınde:

«Otandastar qory» KEAQ janynan tūraqty jūmys ısteitın keñesşı alqa retınde Qoğamdyq Komissii qūrylyp, qyzmet atqaruda.

Komissii qūramynda memlekettık jäne qoğam qairatkerlerı - Quandyq Tūrganqūlov, Oralbai Äbdıkärımov, Aidos Sarym, Türkıtanu jäne Altai ğylymi-zertteu ortalyğynyñ direktory - Sartqoja Qarjaubai, QR Parlament Mäjılısınıñ deputaty Beibıt Mamyraev,  Qazaqstan zañgerlerı odağynyñ törağasy Serık Aqylbai, «Egemen Qazaqstan» respublikalyq gazetı AQ basqarma törağasy Darhan Qydyrälı, sondai aq ğalymdar, saisattanuşylar, sarapşylar.

Qoğamdyq Komissiinyñ törağasy - QR Parlamentı Senatynyñ Äleumettık – mädeni damu jäne ğylym komitetınıñ törağasy Mūrat Baqtiirūly.

Komissiinyñ negızgı mındetı – şeteldegı qazaqtardy qoldau jäne repatriasiiny prosesterın retteu barysynda memlekettık saisattyñ özektı mäselelerın talqylau, zañnamalardy jetıldıruge qatysty ūsynystar engızu, qabyldanatyn şeşımder boiynşa jūrtşylyq müddesın bıldıru, pıkırın eskeru.

 

 

Ötetın künı: 2019 j., 26 qyrküiek, sağat 16-00

Meken-jaiy: Nūr-Sūltan qalasy, Qonaev köşesı, 12/1,                            «Nur Otan» ğimaraty 4 qabat, mäjılıs zaly

Jauapty qyzmetker: Nūrbaeva Gülmira Beketaiqyzy

Bailanys telefony: 8 (7172) 23 59 18, 8 701 331 92 06

Akkreditasii boiynşa: gulba_kz@mail.ru

 

 

 

Общественная Комиссия при некоммерческом акционерном обществе «Фонд Отандастар» обсуждает законопроект О государственной поддержке соотечественников за рубежом