«Otandastar Qory» KEAQ jäne Düniejüzı qazaqtar Qauymdastyğy delegasiisy Nu-İork qalasynda Äzırbaijan Respublikasy jäne Türkı keñesı Diasporasymen memlekettık komitetınıñ ūiymdastyruymen, türkıtıldes diasporalar arasynda kezektı döñgelek üstel öttı.
Atalmyş şarağa Türkı Keñesı Bas hatşysynyñ orynbasary G.Gozalov, «Otandastar Qory» KEAQ Bırınşı vise-prezidentı T.Aduov, Äzırbaijan Respublikasynyñ Diasporasymen jūmys jönındegı memlekettık komitetı Törağasynyñ bırınşı orynbasary V.Gadjiev, Qyrğyz Respublikasynyñ Memlekettık köşı-qon qyzmetınıñ törağasy B.İbragimjanov, Qazaqstan Respublikasynyñ Bas konsuly J.Abdraşov, Türık Respublikasynyñ Bas konsuly A.Aqtaş jäne diasporanyñ ortalyq mekemelerınıñ basqa da lauazymdy tūlğalary men AQŞ-ta tūratyn Türkı keñesıne müşe memleketterdıñ diasporalarynyñ ökılderı qatysty.
Otyrys barysynda G.Gozalov qatysuşylarğa Türık keñesıne müşe memleketter arasyndağy diasporalardyñ yntymaqtastyğy turaly habardar etıp, 2019-2020 jyldary ıske asyryluy tiıs şaralar jaiynda esep berumen qatar Türkı keñesıne müşe memleketter diasporasy ortalyq mekemelerınıñ lauazymdy tūlğalary şetelde tūratyn öz diasporalarymen jūmys turaly baindama jasaldy.
Otyrystyñ ekınşı jartysynda AQŞ-ta tūratyn Türkı keñesıne müşe memleketterdıñ diasporalary ökılderı öz qyzmetı turaly baindap, tūraqty yntymaqtastyqty nyğaitu jäne özara üilestıru joldaryn talqylady.
Kezdesu soñynda taraptar üilestırılgen, keşendı jäne tūraqty ıs-qimyldardy qamtamasyz etu maqsatynda olardyñ ortalyq diaspora mekemelerı men diasporalar ökılderı arasyndağy yntymaqtastyqty jalğastyruğa kelıstı. Sondai-aq, Türkı keñesıne müşe memleketter diasporasynyñ ortalyq mekemelerı türkıtıldes diaspora jastary üşın bırlesken mädeni, bılım beru jäne sporttyq ıs-şaralar ūiymdastyruğa özara kelıstı.
Otyrys Türkı keñesıne müşe memleketter arasyndağy yntymaqtastyq üşın jağdaidy jaqsartuğa bağyttalyp dostyq jäne syndarly jağdaida öttı.
Būdan bölek, döñgelek üstelge qatysuşylar belgılı äzırbaijan aqyny jäne Türkı mistikalyq aqyndarynyñ bırı İmadedin Nasimidıñ 650 jyldyğyna arnalğan Mills teatryna konsertke şaqyryldy.