Er eñbegı joğary bağalandy

16 Aqpan, 2021

Moñğolii Halyq Respublikasynda tūratyn qandasymyz Sarai Hyjabaiūly  Eñbek Qyzyl Tu ordenımen marapattaldy. Atajūrtqa jetken aq joltai habardy estıp köñılımız marqaidy. Sarai Hyjabaiūly 1956 jyly Delüün audany, Şegırtai auylynda düniege kelgen. 1977 jyly Ūlan-Batyr qalasynda joğarğy oqu ornyn bıtırıp, qyzmet jolyn bastady. 8 balasyn ösırıp-jetkızıp,  «Ūlyn ūiğa, qyzyn qiiğa qondyrğan» ardaqty äke.

«Kiız üi jasau önerın bala kezden meñgerdım. Moñğoliidağy är qazaq otbasy üşın 40 jyldan berı keregesı keñ, şañyrağy biık kiız üi ıstep kele jatyrmyn. Jäne osy adal eñbegımdı bağalağan Moñğolii Prezidentıne alğys bıldıremın. Endıgı josparym qazaq elıne baryp, Aqmola oblysy, Stepnagorsk qalasy, Qarabūlaq auylynan kiız üi jasaityn şağyn käsıbımdı aşqym keledı. Ömırlık täjıribemdı atajūrttağy üirenemın degen jastarğa üiretemın» - deidı Sarai Hyjabaiūly.

«Şeberdıñ qoly ortaq, şeşennıñ sözı ortaq» - degendei El Prezidentı Şağan merekesı qarsañynda 40 jylğy adal eñbegı üşın arnaiy qūttyqtauyn jıberıptı. Özı şet memlekette tūrsa da qazaq kiız üi jasau önerın jettık meñgergen qandasymyzdyñ qolöner şeberlıgı qandai marapatqa bolsyn laiyqty. Bain-Ölgei aimağy men basqada öñırlerdegı mal şaruaşylyğymen ainalysatyn halyq Sarai Hyjabaiūlynyñ qolynan ıstelıp şyqqan kiız üilerge sūranystyñ köp ekenın aitady. Ata dästürımızden qalğan kiız üi jasau şeberlıgın keiıngı buyn jastarğa da üiretıp, ūlttyq salt-dästürımızdı ūlyqtap jürgen qandasymyzğa amandyq tıleimız.