
2021 jyldyñ 5 aqpanda «Otandastar qory» KeAQ Qandastardy qoldau ortalyğynyñ üilestıruşısı Marat Toqsambaev, QR Işkı ıster ministrlıgı Köşı qon qyzmetı komitetı törağasynyñ orynbasary, polisii polkovnigı Sabyrjan Jarylqağanūly Seitjanovpen, Azamattyq basqarmasynyñ basşysy, polisii polkovniggı Ğani Şymyrbaevpen jäne basqarma qyzmetkerlerımen kezdestı.
Kezdesu barysynda Qandastardy qoldau ortalyğyna kelıp tüsken 145 qandasymyzdyñ ötınışterı qaraldy. Olar: yqtiir hat räsımdeu, şetel qūjattarynyñ merzımın ötkızıp alu, QR azamattyğyn alu, zeinetaqysyn jäne qandas märtebesın ūzartu jäne tağy da basqa mäseler.
Sonymen qatar 2004 jyly Özbekstan Respublikasynan köşıp kelu kvotasy boiynşa Jambyl oblysyna keiınnen Qostanai oblysyna qonys audarğan qandasymyz Elmuradov Samattyñ özınıñ jäne ekı balasy Samatov Asan men Üsen 16 jyldan berı QR azamattyğyn ala almai jürgen mäselesı qaraldy.
Nätijesınde QR IIM Köşı qon qyzmetı polisiisy ūsynylğan tızımdegı qandastarymyzdyñ ärbır mäselesı aimaqtardağy ökılderımen bırlesıp qaralyp, zañğa säikes şeşıletındıgın jetkızdı.