
2021 jyly 5 aqpan Ūlttyq akademiilyq kıtaphanada «Otandastar qory» KeAQ jäne «Düniejüzı qazaqtarynyñ qauymdastyğy» RQB ūiymdastyruymen Üzben Qūrmanbaiūlynyñ Qazaqstan Täuelsızdıgınıñ 30 jyldyğyna arnağan «Meiırımdı qoğam, memlekettıñ qajettılıgı jäne paidasy» atty kıtabynyñ tūsaukeserı öttı, - dep habarlaidy «Otandastar qorynyñ» Baspasöz qyzmetı.
Is-şarağa «Otandastar qory» KeAQ vise-prezidentı Mağauii Sarbasov, «Düniejüzı qazaqtarynyñ qauymdastyğy» RQB ortalyq apparatynyñ qeñesşısı Qarlyğaş Qojamūrat, professor, ŪĞA akademigı Ğarifolla Esım, medisina ğylymdarynyñ doktory, professor Jasan Zekeiūly, jazuşy Jädi Şäkenūly, Ūlttyq akademiilyq kıtaphananyñ direktory Ümıthan Mūnalbaeva, Mädeniet jäne sport ministrlıgınıñ ökılderı, sondai-aq memleket jäne qoğam qairatkerlerı, aqyn-jazuşylar men ziily qauym qatysdy.
Is-şara barysynda söz alğan «Otandastar qory» KeAQ vise-prezidentı Mağauii Qanapiiūly «Avtordyñ «Meiırımdı qoğam, memlekettıñ qajettılıgı, jäne paidasy» atty eñbegı Qazaq elı üşın ızgılıktıñ jolyn aşudyñ mümkındıkterın tuğyzady. Elbasynyñ ata zañğa engızgen «azamattyq qoğam» qūrudyñ alğy şarttaryn oryndap, oğan jetu joldaryn anyqtaidy. Prezident Qasym-Jomart Toqaevtyñ halyqşyl boluğa, halyq pen memlekettı ärdaiym bırge boluğa, täuelsızdıgımızdı qorğap saqtauğa, halyqtyñ äl-auqatyn jaqsartuğa bailanysty köptegen ūsynystaryn jüzege asyrudyñ oñtaily joldaryn ūsynady», - dedı.
Jiynğa qatysuşylar jazuşy, qoğam qairatkerı Üzben Qūrmanbaiūlynyñ şyğarmaşylyğyna tabys tılep, ystyq yqylastaryn jetkızdı.
Ädebi keştıñ tızgının ūstağan Ğarifolla Esım: «Meiırımdı qoğam qūryp, meiırımdılık zañdylğyna bağynu arqyly ğana bügıngı qiyndyqtyñ bärınen şyğamyz. Eger osylai jasai almasaq bärı beker, alğa qaryştap damudyñ özge joly joq ekenı de tüsınıktı. Men mūny būrynnan aityp kelgenmın. Al bügın Üzben Qūrmanbaiūly taiğa tañba basqandai etıp aiqyndapty. Endı bızge ne kerek, däl osy köterılgen mäselenı ūlttyq idologii etuımız kerek», - degen oramdy oiyn ortağa saldy.