
4 aqpan El täuelsızdıgınıñ otyz jyldyğyna arnalğan «Täuelsızdıkke tartu» jobasy aisynda «Otandastar qory» KeAQ men «Düniejüzı qazaqtary qauymdastyğy» RQB ūiymdastyruymen «Kök tudyñ jelbıregenı» atty ıs-şara öttı. Onlain formatta ötken jüzdesuge Parlament mäjılısınıñ deputaty Qazybek İsa, «Otandastar qory» vise-prezidentı Mağauii Sarbasov, «Düniejüzı qazaqtarynyñ qauymdastyğy» RQB ortalyq apparatynyñ qeñesşısı Qarlyğaş Qojamūrat, «Otandastar qory» KeAQ prezidentınıñ keñesşısı Rahym Aiypūly, «Respublikalyq Jebeu qoğamdyq bırlestıgınıñ» törağasy Omarälı Älıbekūly, kompozitor änşı Tıleubek Qojanūly, aqyn Almas Ahmetbekūly, Nūrşat Zeiıphanūly, Bazaraly Ärıpūly jäne basqada azamattar qatysty.
Deputat Qazybek Jarylqasynūly mädeni kezdesudı joğary bağalap, öz alğysyn jetkızdı. Qoğam vise-prezidentı Mağauii Qanapiiūly atqarylğan jūmystarğa toqtalyp, bolaşaq josparlarymen bölıstı.
Halyq jüregınen oryn alğan öner tuyndysy «Kök tudyñ jelbıregenı» änınıñ äuenın jazğan marqūm Ermūrat Zeiıphanūly şyğarmaşylyğy turaly estelıkter aityldy. Ännıñ sözın jazğan aqyn Almas Ahmetbekūly «Qiyrda qalğan qazaqtyñ, közınıñ möldıregenı» dep alystağy ağaiynnyñ bar armanyn, maqsatyn, mūratyn aiqyn surettep bergen edı. Keş soñynda äsem ändı Qūrmanbek Älımğazy men Riza Qaiyrbaiqyzy oryndap, köptıñ alğysyna bölendı.