Deputattar qandastar üşın kvotany köbeitudı sūrady

27 Qan'tar, 2021


Parlament Mäjılısıne Qazaqstan halqy Assambleisynan sailanğan deputattar qandastarğa bölınetın kvotanyñ kölemın köbeitudı sūrady. Osy oraida Ükımet basşysy Asqar Maminnıñ atyna deputattyq saual joldandy, dep habarlaidy QazAqparat tılşısı.

«Biyl, Täuelsızdıktıñ 30 jyldyğynda Täuelsızdıktıñ halqymyzğa bergen basty igılıkterınıñ bırı – alys jäne jaqyn şetelderden qazaqtardyñ Otanğa oraluyna jol aşylğanyna da 30 jyl tolmaqşy. Elımız öz erkındıgıne qol jetkızerdıñ aldynda, 1991 jylğy 18 qaraşada Qazaq KSR Ministrler Kabinetı «Basqa respublikalardan jäne şetelderden selolyq jerlerde jūmys ısteuge tılek bıldıruşı baiyrğy ūlt adamdaryn Qazaqstanda qonystandyrudyñ tärtıbı men şarttary turaly» arnaiy qauly qabyldağan bolatyn. Migrasiilyq saisattyñ 2017-2021 jyldarğa arnalğan tūjyrymdamasynda «1991 jyldan berı elge kelgen etnikalyq repatrianttardyñ sany 1 million adamnan asty» dep körsetılgen. Alaida, keiıngı jyldarda, naqty aitqanda 2012 jyldan bastap elden tūrğyndardyñ köşıp ketuı küşeuınıñ jağymsyz ürdısı bastaldy, ol ürdıs qazır küşeie tüsude», - dedı S. Abdrahmanov Mäjılıstıñ jalpy otyrysynda.

Deputat qazırgı tañda Ükımet qaulysyna säikes qandastarymyz ornalastyrylatyn öñırler retınde Aqmola, Atyrau, Şyğys Qazaqstan, Batys Qazaqstan, Qostanai, Pavlodar, Soltüstık Qazaqstan oblystary bekıtılgenın eske saldy. Osy jetı oblysqa etnikalyq qazaqtardyñ köşıp keluıne bölıngen kvota 2020 jyly 1378 adam boldy. 2021 jylğa bölıngen kvota sany 1426. Ösım joqqa juyq. Ekonomikalyq ahual anağūrlym kürdelı bolğan kezdıñ özınde būl kvota jylyna 10 myñ men 20 myñnyñ arasynda edı, sonyñ arqasynda jylyna memlekettıñ kömegımen 40 myñnan 80 myñğa deiın adam şetelderden köşıp keletın.

«Jūmys küşı artyq öñırlerden adamdardy jūmys küşın qatty qajetsınıp tūrğan öñırlerge qonystandyru jūmysy da jöndı jürmei jatyr. Tūrğyn üi bölu, jeñıldetılgen kreditter beru, jaiylymğa, egındıkke jer uchaskelerın taratu, köşeraqy qarajatyn qarastyru tiısınşe oilastyrylmağan. Jaña öñırge köşıp barudyñ oñdy täjıribesı dūrys nasihattalmaidy. Mūndai ülken ıste bolmai qoimaityn kemşılıkterdı alaulatyp-jalaulatyp körsetu, söitıp qaita köşıp ketuge beiım köñıl-küidı küşeitu, basqa jerge baryp, bağyn synauşylardyñ sağyn salğan betten syndyru basym. Tuğan jer ūğymynyñ keñdıgın, «tuğan jer» men «Otan» ūğymdary ortaq ekendıgın jürekterge jetkızu jağy kemşın», - dedı S. Abdrahmanov.

Osy oraida deputattyq saualğa bailanysty Ükımettıñ eldegı migrasiilyq jäne demografiilyq prosesterdı tūraqtandyru maqsatymen qandastarğa bölınetın kvotanyñ kölemın köbeitu, beiımdeu men kırıktıru ortalyqtaryn qūru, repatrianttarğa memlekettık qyzmettı qazaq tılınde körsetu, jūmys küşı artyq öñırlerden adamdardy soltüstıktegı öñırlerge qonystandyru siiqty mäselelerdıñ şeşılu joldaryn qarastyrudy sūrady.