Tanymal qandasymyz «Otandastar qory» KeAQ prezidentınıñ keñesşısı atandy

25 Jeltoqsan, 2020

Belgılı qoğam qairatkerı, käsıpker qandasymyz Raqym Aiypūly «Otandastar qory» KEAQ prezidentınıñ ştattan tys keñesşısı bolyp tağaiyndaldy.

Ol Qytaidyñ Ile-Qazaq avtonomiily ölkesınıñ Araltöbe auylynda düniege kelgen. 1986 jyly Pekindegı Ortalyq Ūlttar institutyn, tıl jäne ädebiet mamandyğy boiynşa bıtırgen. Şyñjañ Radiosynda ädebi redaktor,Qūljadağy qazaq tıldı telearnanyñ bas redaktory qyzmetterın atqarady.

Atamekenge Qytaidan alğaşqylardyñ bırı bolyp, 1993 jyly otbasymen köşıp keldı. Äl-Farabi atyndağy Qazaq Ūlttyq universitetınıñ şyğystanu fakultetınde qyzmet atqardy.

Raqym Aiypūly qandastarğa qatysty äleumettık,ekonomikalyq jäne köşı-qon mäselelerın jan-jaqty bıletın, olardy şeşudıñ joldaryn qoğam talqysyna ūsynyp kele jatqan tanymal tūlğa.
90-jyldary älemdegı tarydai şaşyrağan qandastardy elge qaitaruğa erekşe serpın bergen qazaq tılınde tūñğyş jazylğan «Köşı-qon» turaly zañdy daiyndağan jūmys tobynyñ belsendı müşesı. Qazaqstan Respublikasy Parlamentı Senatynda qūrylğan saisi quğyn-sürgın qūrbandaryn aqtau jönındegı komissiinyñ jūmysyna da atsalysty.

Atajūrtta da qalamgerlık qyzmetın jalğastyryp, «Qazaq Elı» jäne «Türkıstan» gazetterınde tılşı retınde jūmys ıstedı. 2009 jyly qandastarğa jan-jaqty qoldau körsetetın «Jebeu» qoğamdyq bırlestıgıne jetekşılık ettı.

Raqym Aiypūly zañ ğylymdarynyñ magistrı, 200-den asa ğylymi eñbekterdıñ avtory. 2013 jyly «Ata jūrtty betke alyp köş keledı» atty kıtaby jaryq kördı.

«Otandastar qory» janyndağy qoğamdyq keñestıñ müşesı retınde eldegı jäne şeteldegı qandastardyñ özektı mäselelerın köterıp, şeşuge erekşe üles qosyp keledı.

Ol jaña qyzmetı barysynda da qordyñ jūmysyn jetıldıre tüsuge,qandastar tüitkılderın qoğam talqysyna ūsynyp, zañdar arqyly oñtaily retteuge tıkelei yqpal etetın bolady.