Älemdegı qazaq ūlttyq mädeni ortalyqtarynyñ jetekşılerıne

15 Jeltoqsan, 2020

Qūrmettı qandastar!

Ardaqty ağaiyn!

Sızder arqyly alys-jaqyn şet elderde tūratyn barşa qañdastarymyzdy Ūly dala elınıñ eñ ülyq merekesı - Täuelsızdık künımen şyn jürekten qūttyqtaimyn!

Mıne, bız biyl Täuelsızdıgımızdıñ 30 jyldyq mereitoiyna qadam bastyq. Qazaqy tılmen aitqanda, nağyz erdıñ jasynda, ūly maqsattar basynda tūrmyz.

Täuelsızdık bızge ūlttyq, aimaqtyq jäne jahandyq ölşemde şeksız jauapkerşılık jügın artqany beseneden belgılı. Bız osynau ūly tağdyrdy qabyl alyp, halyqtyñ bırlıgı arqasynda synaqtardan sürınbei ötıp kelemız.

Bügıngı tañda Qazaqstan tūğyry berık, tūlğasy biık el bolyp, törtkül dünie tanyğan mereiı üstem memleketke ainaldy. Būl jetıstıkke Sızderdıñ de qosqan ülesterıñız qomaqty ekenı sözsız.
Sonymen qatar byltyrdan berı jer-jahandağy adamzat ataulyğa qater töndırıp, küllı älemdı kürdelı küige tüsırgen qauıptı ındettıñ örşıgen kezınde ärqaisyñyzdyñ janaşyrlyğyñyzdy jan-düniemızben sezındık. Qaiğyğa duşar bolyp, qara jamylğan qanşama şañyraqqa qaiyrymdylyqpen qarasqan tıleules peiıl, niettes köñılderıñız üşın Sızderge riisyz rizalyq bıldırıp, şeksız alğys aitamyz.

Bızdıñ taraptan şeteldegı jäne elımızge köşıp kelgen ağaiyndy qoldau bağytynda atqaryp jatqan auqymdy jūmystarymyz da eşqaşan toqtamaidy.

Sızderdıñ otbasylaryñyzğa, ärbır qazaq bauyrymyzğa zor densaulyq, amandyq-saulyq jäne ızgı ısterıñızge tabys tıleimın!

Ūly Dalanyñ ūly tağdyryn aiqyndağan Täuelsızdık künı qūtty bolsyn, ağaiyn!

Izgı nietpen,

«Otandastar qory» KeAQ Prezidentı

N.Äbıqaev

Congratulations on Independence Day!