
2020 jylğy 9 jeltoqsanda «Otandastar Qory» KeAQ pen QR Bılım jäne ğylym ministrlıgı «Ūlttyq testıleu ortalyğy» RMQK özara yntymaqtastyq turaly Memorandumğa qol qoidy.

Is-şarağa «Otandastar qory» KeAQ vise-prezidentı Mağauii Sarbasov, «Ūlttyq testıleu ortalyğy» RMQK direktory Didar Smağūlov, «Otandastar qory» KeAQ Jobalar koordinatory Didar Bolat, «Otandastar qory» KeAQ Bılım bağytynyñ mamany Nūrymjan Jūmağaziev qatysty.

Memorandum aisynda Qazaqstanğa kelıp bılım alğysy keletın qandastarğa Ūlttyq bırıñğai testıleu boiynşa onlain baiqau synaqtaryn tegın ötkızu, «Otandastar qory» ūiymdastyryp jatqan qazaq tılınıñ qatysuşylaryna qazaq tılın meñgeru deñgeiın Qaztest boiynşa testıleudı ūiymdastyru jäne anyqtau jūmystary jürgızıletın bolady.
«Jyl saiynğy qandastarğa berıletın bılım grantynyñ 4% kvotasyn igeru üşın ärtürlı şaralar josparlanyp jatyr. Sonyñ bırı – Ūlttyq testıleu ortalyğynyñ qoldauymen qandastardyñ baiqau synaqtarynyñ deñgeiın köteru maqsatynda tegın ärı aldyn-ala onlain testter ūiymdastyru. Jaqyn arada test ötkızudıñ erejelerın jariilaimyz. Atamekenımde bılım alğysy keletın barşa qandastarymyzdy baiqau synaqtaryna qatysuğa şaqyramyz», - dedı «Otandastar qory» KeAQ vise-prezidentı Mağauii Sarbasov.
Jiyn barysynda ekı tarap şeteldegı qandas jastardyñ Qazaqstanda bılım aluyna qolaily jağdai jasap, osy bağyttağy ıs-şaralar josparyn talqylady.