
Täuelsızdık jyldarynan berı Qazaqstan Respublikasyna millionnan astam qandasymyz keldı. Elge kelgen ağaiyn auyl-şaruaşylyğy, bılım beru, ekonomika, mädeniet syndy qoğamnyñ är salasynda jemıstı qyzmet atqaryp jatyr. Qazırgı jūqpaly ındet tarağan uaqytta «Aq qalatty abzal jandardyñ» eñbegın erekşe atap ötuge bolady. Qandastar arasynda densaulyq saqtau salasynyñ mamandary da bar. Atap aitsaq, qytaidan kelgen qandasymyz Esbol Mūqanūly.

Şyğys medisina ortalyğynyñ jetekşısı Esbol Mūqanūly 1985 jyly Qytai Halyq Respublikasy, Altai aimağy, Qaba audanynda tuğan. 2004 jyly qazaq elıne kelıp, 2005-2012 jyldary Asfendiirov atyndağy Qazaq Ūlttyq medisina universitetın bıtırgen. 2015-2016 jyldary Qytai elındegı Şin-Jiiñ medisina universitetınen şyğys medisinasy boiynşa bılımın tolyqtyrypty. 2016 jyldan berı inemen emdeumen ainalysyp, jekelık klinikasyn aşyp nauqastarğa qol ūşyn sozypty.

«Şyğys medisina ortalyğy» ine jäne otpen emdeu, şöp därı, sondai-aq, omyrtqa, asqazan, öt joldary jäne tağy basqa aurulardy emdeidı.
Nūr-Sūltan qalasynda «Şyğys medisina ortalyğyn» aşyp jatqan qandasymyzdyñ qyzmetıne tabys, otbasyna amandyq tıleimız!