
Özbekstandağy etnikalyq qazaqtardyñ kışı qūryltaiy ötedı, dep habarlaidy Düniejüzı qazaqtary qauymdastyğy. Is-şarany Düniejüzı qazaqtary qauymdastyğy, QR Aqparat jäne qoğamdyq damu ministrlıgı jäne «Otandastar qory» men Özbekstandağy qazaq ūlttyq mädeni ortalyğymen bırlesıp ūiymdastyryp otyr.
Qalyptasqan epidemiologiilyq ahualğa bailanysty şarany ağymdağy jyldyñ 21 qazan künı tūñğyş ret onlain rejimınde Özbekstandağy qazaq diasporasymen ötkızu josparlanuda.
«Dästürge ainalğan kışı qūryltaidy Elbasy Nūrsūltan Nazarbaev basqaratyn Düniejüzı qazaqtary qauymdastyğy ötkızıp keledı. Soñğy jyldary Resei, Evropa qazaqtarynyñ kışı qūryltaiy ötken. Biyl bırınşı ret pandemiiğa bailanysty Özbekstandağy qazaqtardyñ kışı qūryltaiyn onlaiyn rejimınde ötkızudı ūiymdastyryp otyrmyz. Kezdesudıñ basty maqsaty bauyrlas Qazaqstan-Özbekstan arasyndağy dostyq qarym-qatynas, mädeni-ruhani bailanystaryn nyğaitu. Özbekstandağy qazaq diasporasyna qoldau körsetu, mädeni bailanysty keñeitu, olardyñ tüitkıldı mäselelerın şeşu joldaryn qarastyru», - deidı DQQ Törağanyñ bırınşı orynbasary Zauytbek Tūrysbekov.
Osy qūryltaiğa Özbekstannyñ Taşkent, Syrdarii, Nauai, Būhara, Horezm oblysy jäne tağy basqa elderdegı qazaq ūlttyq mädeni ortalyqtarynyñ basşylary men QR memlekettık mekemelerdıñ ökılderı, qoğam, öner qairatkerlerı qatysady.