
«Otandastar qory» Qandastardy qoldau departamentınıñ ūiymdastyruymen 2020 jyldyñ 12 qazan künı Resei Federasiisynda tūratyn etnikalyq qazaqtardyñ qatysuymen «Qandastar forumy» atty onlain-kezdesu öttı.

Kezdesude alğaşqy sözdı alğan «Otanadastar qory» KeAQ prezidentınıñ keñesşısı Qalybek Qoblandin öz sözınde «Otandastar qorynyñ» bılım beru, mädeni jäne biznes bastamalardy qoldau şaralary turaly aityp öttı.
Jiyn barysynda QR Syrtqy ıster ministrlıgı Konsuldyq qyzmet departamentı qazaq diasporasymen jūmys jürgızu basaqarmasynyñ basşysy Mūhtar Kärıbai, QR Sauda jäne intergrasii ministrlıgınen Jalğas Balğojin Reseimen sauda-ekonomikalyq qatynastardy damytu boiynşa bügınge deiıngı atqarylğan ıs-şaralar jäne jetıstıkter turaly äñgımeledı.
«KazInvest» ŪK» AQ-y ökılı Daniir Aitkulov şağyn jäne orta biznes salalaryna investisii tartu joldaryn, sonymen qatar qandastarymyzğa Qazaqstannyñ investisiilyq äleuetın tanystyrdy.
Öz kezegınde Reseide tūratyn qandastarymyz älemdık pandemiinyñ äleumettık-ekonomikalyq jağdailaryna tigızgen kerı äserı tūrğysynda söz qozğady. Sondai-aq, jaqynda ğana Omby qalasynda aşylğan «Abai» mädeni-ıskerlık üiınıñ Reseidıñ basqa qalalarynda da aşyluyna tılek bıldırdı. Kezdesuge Reseidıñ 10 aimağynan 30-ğa juyq qandastarymyz qatysty.