Tanys bolyñyz: Merei Slamūly

05 Qazan, 2020

«Otandastar qory» düniejüzınıñ är elıne tarydai şaşyrap, keiın atajūrtty añsap Qazaqstanğa köşıp kelgen qandastarymyz turaly arnaiy «Tanys bolyñyz» jobasyn bastağan edı. Sol jobanyñ jalğasy retınde tanys bolyñyzdar – belgılı käsıpker, mesenat Merei Slamūly.

Merei Slamūly – belgılı käsıpker, mesenat. 1963 jyldyñ 20 qañtarynda QHR Şinjin Ūiğyr Avtonomiilyq Raiony, Qūtybi audanyna qarasty Torğaity eldı mekenınde düniege kelgen. Bastauyş mekteptı Torğaityda oqyp, orta mekteptı Qūtybi audanynda bıtırgen. 1982-1986 jj. Qytaidyñ äigılı Nankin Universitetınıñ Biologii fakultetınde Botanika mamandyğy boiynşa bılım alğan.

1986-1992 jj. Qytai Ğylym Akademiisy, Şinjiñ bölımşesı, Biologii Topyraq-Qūm Zertteu İnstitutynda jūmys ıstegen. Osy jyldary «Tin-Şin tauly ösımdıkter ekologiisyn zertteu» jäne «Baiymbūlaq tauly ösımdıkterdıñ ekologiilyq jağdaiy» atty ğylymi taqyryptar boiynşa Şinjin Ğylymi Jaña Tehnikalyq üzdıkter baiqauynda üşınşı därejede marapattalğan.

1992 jyly atamekenge oralyp, 1992-1995 jj. Qazaqstan Ğylym Akademiisy, Botanika İnstitutynda aspiranturasynda bılımın tolyqtyrdy.

2000 jyldardan bastap Qytai Kelun Korporasiisynyñ Qazanstan Respublikasynda resmi ökıl qyzmetın atqaryp, ekı el arasyndağy därı-därmek öndırısınıñ negızın qalady.

2012 jyldan bastap Kelun Korporasiisymen bırlesıp Almaty oblysy, Karasai audany, Köközek auylynda Kelun-Kazfarm Bırlesken Därı Öndıruşı Zauytyn qūrady. Qazaqstan jağynyñ jauapty quryltaişysy bolyp, öndırıs bastaidy. Qazırgı kezde atalğan zauyttyñ atqaruşy direktory.

Zauyt – orta Aziidağy eñ kölemdı öndırıs orny. Jyldyq önımı 60 million erıtındı flokon jäne 60 milliondyq onkologiilyq därı qūtysyn şyğarady.

Qūlağandy süiep, jylağandy uatyp, joq-jıtıkke kömektesıp qamqorlyq körsetu Merei Slamūlynyñ dağdyly ädetterınıñ bırı. Köptegen aqyn, jazuşylardyñ kıtabynyñ baspadan şyğuyna sebepker bolğan ol qazaq ruhaniitynyñ damuyna da bei-jai qaramaidy.

Ata-baba aruağyna tağzym etıp, köne jazbalar men şejırelerdıñ jaryq köruın, onyñ el igılıgıne jarauyna järdem etıp, Qazaqstannyñ tügendelıp jatqan tarihyn tolyqtyruğa da ainbai üles qosyp keledı.

Asyl jary – Halida Dükeqyzymen bırge Qarylğaş, Qalamqas esımdı ekı qyzyn tärbielep ösırıp, ülgılı otbasyn qūruda.

Tanys bolynyz: Merey Slamuly