
«Ūly dala elınen» jobasy aisynda «Halyq qazynasy» memlekettık öner ūjymy şeteldegı qandastarğa arnalğan «Qazağym-ai» atty onlain konsert ūsyndy.
Qazaq diasporasyna ruhani qoldau körsetu jäne şeteldegı qandastarmen bailanysty nyğaitu maqsatynda ötken konserttı Düniejüzı qazaqtarynyñ qauymdastyğy, «Otandastar qory» KEAQ jäne «Qazaqkonsert» ūiymy bırlesıp ūiymdastyrğan edı. Būl joba 2019 jyldan berı QR Aqparat jäne qoğamdyq damu ministrlıgınıñ tapsyrmasymen jüzege asyrylyp keledı.
Tıkelei efirde ötken onlain konsertte dästürlı än-küi önerınıñ belgılı sañlaqtary öner körsettı. Onlain konsert «Otandastar qory» KEAQ Otandastar channel YouTube arnasynda körsetılıp, qazırgı tañda barşağa qoljetımdı. Konserttı köru üşın myna sılteme arqyly ötu qajet: https://youtu.be/CmAi2HFhSo4
Onlain formatynda ūiymdastyrylğan ıs-şarada Qazaqstannyñ eñbek sıñırgen qairatkerlerı Janğali Jüzbai, Erlan Rysqali, Erbolat Şaldybekov, Klara Tölenbaeva, Ardaq Balajanova jäne halyqaralyq baiqaulardyñ laureattary Asqar Mūqiit, Aqerke Täjıbaeva, Venera Tabys öner körsettı. Ärtıster köpşılık süiıp tyñdaityn ūlttyq muzykalyq tuyndylar men jaña muzykalyq kompozisiilardy oryndady.