Qandastar Qasym-Jomart Toqaevtyñ Qazaqstan halqyna Joldauyn talqylady

02 Qyrku'i'ek, 2020

2020 jylğy 2 qyrküiek «Otandastar qory» men «Düniejüzı qazaqtarynyñ qauymdastyğy» bırlese otyryp QR Prezidentı Qasym-Jomart Toqaevtyñ Qazaqstan halqyna Joldauyn talqylauğa arnalğan döñgelek üstel ötkızdı.

Is-şarağa «Otandastar qorynyñ» vise-prezidentı Mağauii Sarbasov, Ūlttyq keñes müşesı, qoğam qairatkerı Auyt Mūqibek, tanymal etnodizainer Qazipa Mūhametqali, «Asar» respublikalyq QB törağasy Qairat Bodauhan, käsıpkerler Bılal Ysqaq, Ainūr Jakeiqyzy, sondai-aq «Düniejüzı qazaqtarynyñ qauymdastyğynyñ» ökılderı men elımızge ärtürlı uaqytqa köşıp kelgen qandastar qatysyp, öz pıkırın ortağa saldy.

«Joldauda köptegen mäsele qozğaldy. Onyñ ışınde äleumettık salany erekşe atap ötuge bolady. Mäselen mūğalımderdıñ, därıgerlerdıñ jalaqysy köterıledı, sondai-aq halyq zeinetaqysynyñ bır bölıgın üi satyp aluğa jūmsai alatyn boldy. Käsıpkerlıktı qoldauğa köptegen şaralar qarastyrylyp, salyq jeñıldıkterı aityldy. Osyndai mümkındıkter bızdıñ qandastarğa da oñ äserın tigızedı degen senımdemız», - dedı «Otandastar qorynyñ» vise-prezidentı Mağauii Sarbasov.

«Asar» respublikalyq QB törağasy Qairat Bodauhannyñ pıkırınşe, Joldauda auyl mäselesı öte jaqsy köterılgen.

«Men Soltüstık Qazaqstan oblystaryn araladym. Prezidentımız qozğağan basty mäsele – jer men üi salu. Osy salany zerttep jürgen azamattar men «Otandastar qory» bar, halqy köşıp ketken auyldarğa arnap arnaiy bağdarlama daiyndau kerek dep oilaimyn. Şetten kelgen qandastardyñ şaruaşylyqqa ikemı bar. Qandastarymyz Prezident Joldauyndağy auyl şaruşylyğyn qoldau bastamasyn qoldaimyz. Soltüstık Qazaqstan oblysynda küzgı jäne köktemgı egın şaruaşylyğy kezeñınde maman tapşylyğy baiqalady. Osy tapşylyqty atajūrtqa oralğan qandas bauyrlarymyz tolyqtyrsa degen oidamyn», - dedı  Qairat Bodauhan.

Käsıpker, Eurazii dizainerler odağynyñ müşesı, etnodizainer Qazipa Mūhametqali da käsıpkerlıktı damytyp, onyñ ışınde qolöner salasyna köñıl bölınıp jatqanyna toqtaldy.

«El prezidentı Qazaqstanda käsıpkerlerdıñ sanyn arttyru maqsatynda köptegen şaralar qolğa alynatynyn aitty. Öz tarapymnan, qoldan kelgenşe, qolöner salasyndağy jobalardy ıske asyryp, bar bılgenımdı basqalarğa da üiretuge atsalysyp jatyrmyn. Qazırgı zaman talaby boiynşa barlyq sabaqtardy onlain formatta ötkızıp te jatyrmyz. Erteñ bır adam osy käsıptı üirenıp, öz ısın döñgeletıp ketse, nūr üstıne nūr bolar edı. Osyndai käsıpkerlerge jan-jaqty qoldau körsetıletını köñılge ümıt ūilatyp otyr», - dedı Qazipa Mūhametqali.

Sondai-aq döñgelek üstel barysynda memleket basşysynyñ Qazaqstan halqyna Joldauyn nasihattau jäne jüzege asyrudağy «Otandastar qorynyñ» mındetterı ortağa salynyp, eldegı qandastar men şeteldegı qazaq diasporasynyñ özektı mäselelerı talqylandy.

Kandastar discussed the message of Kassym-Jomart Tokayev to the people of Kazakhstan