ŪLYLAR ŪLYQTALDY

28 S'ilde, 2020

Qandas bauyrlardyñ qazaqtyñ Ūly tūlğalaryna, jauhar tuyndylaryna degen qyzyğuşylyğy men ony nasihattaudağy tabandylyğy – alaböten. Sebebı, janğa – däru, ruhymyzğa demeu bolğan ūly şyğarmalar men eñbekter Özbekstandağy qandastarymyzdyñ da sanasynan ketken emes. Kezınde Elbasy Nūrsūltan Äbışūly Nazarbaevtyñ özı pärmen berıp, qūryluyna zor üles qosqan Özbekstan qazaq ūlttyq mädeni ortalyğy būl jağynan aldyñğy orynda kele jatyr.

Özderıñız bılesızder, biyl adamzattyñ ekınşı ūstazy atanğan Äbu-Nasyr äl-Farabidıñ 1150 jyldyğy, qazaqtyñ ūly aqyny Abai Qūnanbaiūlynyñ 175 jyldyğy. Osyğan orai, Özbekstan qazaq ūlttyq mädeni ortalyğy mazmūndy, mağynaly, köpşılıktıñ qyzyğuşylyğyn tudyrğan bırneşe şara ötkızdı.

Özbekstan qazaq ūlttyq mädeni ortalyğynyñ ūiymdastyruymen qazaqtyñ ūly aqyny Abai Qūnanbaiūlynyñ 175 jyldyğan orai şaiyrdyñ öleñderı men oğan arnalğan poeziidan talantty jastar arasynda chellendj öttı. Chellendjge elımızdıñ tükpır-tükpırınen öleñnıñ qasietı men sözdıñ quatyn bıletın jastar qatysyp, özınıñ önerın körsettı. Äsırese, Nauai oblysyna qarasty Uchkuduk, Zarafşan qalasynan niet bıldıruşıler köbeiıp, chellendjge belsendı qatysyp, Abaidyñ jauhar tuyndylaryn oqyp berdı. Mektep oquşylarynyñ Abaiğa arnalğan jürekjardy öleñderı köptıñ köñılınen şyqty.

Chellendjdıñ qorytyndysy boiynşa Erbolat Quatbek 1-orynğa ie bolsa, 2-orynğa qandas bauyrymyz Tölegen äl-Orazjani laiyq dep tanyldy.

Abaidyñ Qūnanbaiūlynyñ 175 jyldyğyn atap ötıp barysynda äsırese özbek tılınde jaryq körgen kıtap igı bastama boldy. Abai özbek tılınde ün qatty.
Özbekstannyñ belgılı aqyn-jazuşylary atsalysyp, kıtaptyñ qūndy ärı dizain jağynan kelıstı bolyp şyğuyna talmai eñbek ettı.

Al Äbu-Nasyr äl-Farabidıñ 1150 jyldyğyna arnap Özbekstan qazaq ūlttyq mädeni ortalyğy konferensii ūiymdastyrdy. Oğan belgılı ğalymdar men äl-Farabitanuşylar qatysyp auqymdy pıkırler men talqylaular aityldy. Äbu-Nasyr äl-Farabidıñ ölmes şyğarmalary men ğylymi traktattary – öşpes mūra.

Būl – Özbekstan qazaq ūlttyq mädeni ortalyğynyñ jasağan şaralardyñ bır parasy ğana. Aldağy uaqytta da ūlylardy nasihattau jolynda auqymdy şaralar ötkızetın bolady.

Klara SADYRBAEVA, Özbekstan qazaq ūlttyq mädeni ortalyğynyñ törağa orynbasary