
«Otandastar qorynyñ» janynda Qandastarğa qoldau körsetu ortalyğy jūmys ısteitını köpşılıkke mälım. Bügınde Qazaqstannyñ 10 oblysynda osy ortalyqtyñ ökılderı bar.
Qandastarğa sapaly qyzmet körsetıp, mäselelerın naqty şeşu üşın sol jerdegı mamandardyñ käsıptık bılıktılıgımen qosa köşı-qon mäselelsınde ömırlık täjıribesı boluy şart. Sondai ökıldıñ bırı – ŞQO boiynşa Qandastardy aqparattyq qoldau ortalyğynyñ sarapşysy Askerhan Huanbaiūly Aqtai.

Ūlty qazaq, jasy 46-da. Filolog, aqyn. Tuğan jerı – Moñğolii, Bain Ölgei. Qazaqstanğa 2008 jyly köşıp kelgen. Üş balanyñ äkesı. Qazır Öskemen qalasynda tūrady.
Askerhan Aqtai respublikalyq «Er jeñısı – El jeñısı» jyr saiysynyñ, «Dınım – dıñgegım» jyr müşairasynyñ jeñımpazy. Qazaqstan ışınde jäne halyqaralyq deñgeide ötken ondağan şyğarmaşylyq saiystardyñ jüldegerı. Qazaq handyğynyñ 550 jyldyq merekelı medalımen marapattalğan. «Otyñ öşpeidı, Äke», «Jylqyşy bi», «Köşım han-Süzge sūlu», «Ahmettıñ amanaty», «Mahabbat gülzary», «Ai qarañğysy», «Botaqara-Şeşenbike», «Balpyq bi» atty dramalardyñ avtory.
Jeke avtorlyq qorynda «Sümbıle» jäne «Zübärjattyñ jarqyly» jyr kıtaptary bar. Öleñderı bırneşe jinaqtarğa, antologiilarğa engen. Dramalary elımızdıñ teatrlarynyñ sahnalarynda qoiylyp jür.
1997-2007 jyldary Monğolii memleketınde bılım beru jäne äkımdık salasynda ärtürlı qyzmetterdı atqarğan. Qazaqstanğa qonys audarğan soñ Qostanai oblystyq gazetınde, Öskemende ıs basqaramasy men ışkı saisat bölımınde jūmys ıstegen. Pedagogikalyq täjıribesı de bar.
2012-2016 j aralyğynda Öskemen qalasy äkımdıgı bılım beru bölımınıñ «Mekteparalyq öner jäne deneşynyqtyru ortalyğy» KQMK direktorynyñ orynbasary qyzmetın atqardy. Şyğys Qazaqstan oblysyndağy «Tılderdı üiretu ortalyğynda» ūstazdyq ettı.
Düniejüzı qazaqtary qauymdastyğy jüiesınde 2018 jyldan berı qyzmet etude. Qandastardy qoldau ortalyğynyñ Öskemendegı front-keñsesındegı jūmysyn 2020 jyldyñ qañtarynda bastağan.
Qoğamdyq belsendılıgı:
1. BŪŪ-nyñ Damu bağdarlamasynyñ aisynda «Şyğys qyrany» qoğamdyq bırlestıgınıñ törağasy qyzymetınde «Oralmandardyñ äleumettık beiımdelu jobasyna» qatysyp, Şyğys Qazaqstan oblysynda qandastar ornalasqan bırqatar auyldardy auyz sumen qamtu jobasyn sättı atqarğan;
2. 2012 j ŞQO boiynşa ırı jetıstıkterge jetken oralman qandastardy nasihattau maqsatynda «Atajūrtqa arnau» jobasyn nätijelı oryndady;
3. Halifa Altaidyñ 100 jyldyğynyñ Öskemen qalasynda atap ötu şarasyna at salysqan.