«Kielı Qazaqstan»: 12 elden kelgen otandastar Şymkent pen Türkıstannyñ kielı jerlerın aralady

Bügın, 18:00

2026 jylğy 13-16 qaraşa aralyğynda «Otandastar qory» KEAQ Şymkent qalasy jäne Türkıstan oblysy äkımdıgınıñ qoldauymen «Kielı Qazaqstan» jobasyn ötkızdı. Jobağa älemnıñ 12 elınen 20 otandas qatysty. Olar döñgelek üstelde pıkır almasyp, Şymkent qalasy men Türkıstan oblysynyñ tarihi jäne kielı oryndaryn aralady.

Jobağa Germanii, Niderland, Türkii, Belarus, Resei, Qytai, Moñğolii, Korei Respublikasy, İran, Özbekstan, Qyrğyzstan jäne Türıkmenstannan otandastar keldı.

14 qaraşada Ramada by Wyndham Shymkent qonaqüiınde döñgelek üstel öttı. Jiyndy «Otandastar qory» KEAQ prezidentı Yrysqali Däurenbek pen Şymkent qalasy äkımınıñ orynbasary Särsen Qūranbek aşty. Olar qatysuşylardy tarihi Otanyna keluımen qūttyqtap, şeteldegı qandastarmen bailanysty nyğaitudyñ mañyzyna toqtaldy.

Jiynda «Otandastar media syilyğy» men «OQ STARTUP» baiqaularynyñ qatysuşylary marapattaldy. Pıkır almasu bölıgınde är elden kelgen qatysuşylar Qazaqstan men özderı tūratyn elder arasyndağy bailanysty arttyru joldaryn talqylap, öz ūsynystaryn aitty. Aitylğan ūsynystar Qoğamnyñ aldağy jūmysynda eskerıledı.

Döñgelek üstelden keiın otandastar Şymkenttegı Seiıtjan qari Esjanūly atyndağy ortalyq meşıtke bardy. Odan keiın ejelgı Sairamda Qoja Ahmet Isauidıñ äkesı İbrahim ata men anasy Qaraşaş ana kesenelerın, Hyzyr paiğambar mūnarasyn ziirat ettı. Kün ejelgı qala sitadelınıñ ornyndağy «Şymqala» tarihi-mädeni keşenımen aiqtaldy.

15 qaraşada qatysuşylar Otyrar audanyna baryp, Qoja Ahmet Isauidıñ ruhani ūstazy Arystan bab kesenesıne ziirat ettı. Sondai-aq Ūly Jıbek jolynyñ ırı beketı bolğan Otyrar qalasynyñ ornyn kördı.

Türkıstanda otandastar «Äzıret Sūltan» memlekettık tarihi-mädeni qoryq-mūrajaiyn aralady. Olar UNESKO-nyñ Bükılälemdık mūra tızımıne engen Qoja Ahmet Isaui kesenesın, Rabiğa Sūltan Begım kesenesın, Hiluat jerasty meşıtın, şyğys monşasy men ejelgı qamal qabyrğalaryn kördı.

Bağdarlama «Altyn Samūryq» 8D kinoteatrynda qazaq mädenietı turaly film körumen jäne «Keruen sarai» turistık keşenın aralaumen aiqtaldy.

«Kielı Qazaqstan» jobasy şeteldegı otandastardy tarihi Otannyñ ruhani-mädeni mūrasymen, kielı jerlerımen tanystyruğa jäne olardyñ Qazaqstanmen bailanysyn nyğaituğa bağyttalğan. Joba barysynda jinalğan äserler men materialdar qatysuşylar tūratyn elderdegı auditoriiğa Qazaqstannyñ ruhani mūrasyn tanytuğa mümkındık beredı.


Bailanys üşın
Aljan Şarifov
«Otandastar qory» KeAQ
Baspasöz hatşysy
+7 775 510 5191