Qandastarğa qoldau körsetıledı

11 Nay'ryz, 2020

«Otandastar qory» men Şymkent qalasynyñ äkımdıgı özara yntymaqtastyq turaly Memorandumğa qol qoidy. Taraptar şetelde tūratyn jäne Qazaqstan Respublikasyna qonys audarğan qandastardy qoldau bağytynda küş bırıktıredı.

Memorandumnyñ maqsaty - otandastardy qoldaudyñ normativtık bazasyn qūryp, jūmysty tūraqty jäne jüielı arnağa auystyru. Osy oraida «Otandastar qory» oblys jäne Respublikalyq mañyzy bar qalalardyñ äkımdıkterıne şeteldegı Qazaq mädeni-ıskerlık üilerıne qamqorlyq jasaudy bekıtumen, sonymen qatar ıs- şaralardyñ bırlesken jol kartasyn äzırleumen tyğyz yntymaqtastyq ornatyp otyr.

«Otandastar qory» Qazaqstanğa oralğan qandastarğa aqparattyq, ūiymdastyruşylyq jäne konsultasiilyq kömek körsetıp, jeke qūqyqtary men zañdy müddelerın qorğau boiynşa jobalardy jüzege asyruda.

Şymkent qalasy äkımınıñ orynbasary Almasbek Mamytbekov «Otandastar qorymen» bırlesıp jūmys ısteuge äzır ekenın jäne ūsynğan jobalardy tolyqtai qoldaitynyn jetkızdı.

Compatriots will be supported