Qūrmettı qandastar! Qadırlı ağaiyn!

06 Qazan 2026

Qazaqstan Respublikasy Syrtqy ıster ministrınıñ būiryğymen «Otandastar qory» kommersiilyq emes aksionerlık qoğamynyñ Prezidentı qyzmetıne kırısıp otyrmyn.

Şeteldegı qazaq diasporasy – ūltymyzdyñ ajyramas bölıgı, tarihi Otanymyzdyñ ruhani bailyğy men halyqaralyq bedelınıñ mañyzdy tıregı. Osy oraida älemnıñ tükpır-tükpırınde tūratyn barşa otandastarymyzğa şynaiy yqylasymdy bıldırıp, ızgı tılegımdı jetkızgım keledı.

Aldağy uaqytta sızdermen, etnomädeni bırlestıktermen jäne qoğamdyq ūiymdarmen tyğyz bailanysta jūmys ısteudı basty maqsatym dep sanaimyn. Qazaq tılı men mädenietın nasihattau, jastarymyzdyñ tarihi Otanmen bailanysyn nyğaitu, elge oralğysy keletın qandastarymyzğa jan-jaqty qoldau körsetu bağytyndağy jūmystardy jalğastyratyn bolamyz. Ärbır ūsynys-pıkırlerıñızge aşyq ekenımdı aitqym keledı.

Qūrmetpen,
Yrysqali Däurenbek,
«Otandastar qory» KeAQ Prezidentı