Qazaqstan Respublikasy Syrtqy ıster ministrınıñ būiryğymen Yrysqali Raqymūly Däurenbek «Otandastar qory» kommersiilyq emes aksionerlık qoğamynyñ prezidentı qyzmetıne tağaiyndaldy.
Yrysqali Däurenbek 1963 jyly Ūlytau oblysy (būrynğy Qarağandy oblysy) Jañaarqa audanynda düniege kelgen.
1993 jyly Almaty şet tılder pedagogikalyq institutyn tämamdağan. Käsıbi bılıktılıgın «Philipps-University Marburg» universitetınde (GFR), Qazaqstan Respublikasy Syrtqy ıster ministrlıgı janyndağy Diplomatiilyq akademiida jäne «University Potsdam» universitetınde (GFR) jetıldırgen.
Eñbek jolyn 1981 jyly bastağan.
1993 jyldan bastap Qazaqstan Respublikasy Syrtqy ıster ministrlıgı jüiesınde diplomatiilyq qyzmet atqaryp keledı.
Är jyldary QR SIM Bas konsuldyq basqarmasynyñ referentı, attaşesı, üşınşı jäne ekınşı hatşysy, Qazaqstannyñ Şveisariidağy Elşılıgınıñ konsuly, Qazaqstannyñ Germaniidağy Elşılıgınıñ konsuldyq bölımınıñ meñgeruşısı, Omby qalasyndağy (RF) Bas konsuly, QR SIM Konsuldyq qyzmet departamentınıñ konsuldyq-qūqyqtyq jäne köşı-qon bölımınıñ bastyğy, QR SIM Konsuldyq qyzmet departamentı Taldau jäne monitoring basqarmasynyñ basşysy, QR SIM Apparat basşysynyñ orynbasary, Konsuldyq qyzmet departamentı direktory qyzmetterın atqarğan.
2013-2018 jäne 2021-2024 jyldary Qazaqstannyñ Germaniidağy Elşılıgınıñ Bonn qalasyndağy bölımşesınıñ basşysy boldy.
2024 jylğy jeltoqsannan bastap jaña tağaiyndauyna deiın QR SIM Konsuldyq qyzmet departamentı direktorynyñ orynbasary qyzmetın atqardy.
Diplomatiilyq därejesı: II synypty Tötenşe jäne Ökılettı Uäkıl.
Memlekettık qyzmettegı jäne diplomatiilyq saladağy eñbegı üşın «Qūrmet» ordenımen (2026), «Şapağat» medalımen (2020), Näzır Töreqūlov atyndağy «Qazaqstan Respublikasynyñ syrtqy saisatyna qosqan ülesı üşın» medalımen (2026), Qazaqstan Respublikasynyñ Qūrmet gramotasymen (2006), sondai-aq bırqatar merekelık medaldarmen marapattalğan.
1986 jylğy Jeltoqsan oqiğasyna qatysqany üşın quğyn-sürgınge ūşyrağan, 2001 jyly resmi türde aqtalğan.
Otbasyly, tört balanyñ äkesı.