Qandastar qatysa alatyn «Bastau» käsıpkerlık jobasy (İNFOGRAFİKA)

29 Aqpan, 2020

«Bastau» käsıpkerlık negızderıne oqytu boiynşa jobanyñ maqsaty – özın-özı jūmyspen qamtyğan jäne jūmyssyz halyqty käsıpkerlıkpen ainalysuğa tartu arqyly auyl tūrğyndarynyñ ekonomikalyq belsendılıgın arttyru.

Käsıpkerlık negızderın oquğa qatysuşylar – auyldyq eldımekenderde, audan ortalyqtarynda tūratyn, jūmyspen qamtu ortalyqtarynda tırkelgen/tırkelmegen jūmyssyzdar men özın-özı jūmyspen qamtyğandar, sondai-aq biznesın keñeitkısı keletın ıs jürgızıp otyrğan käsıpkerler (biznesınıñ tırkelgenıne 3 jyldan aspauy kerek).  

«Bastau» jobasynyñ jüzege asu kezeñderı:

- jobağa qatysu  üşın äleuettı qatysuşylar ÖKP filialdary/jūmyspen qamtu ortalyqtary, auyldyq okrug/nemese eldımeken bölımınıñ äkımıne baryp, qatysuğa ötınım jasaidy;

- jūmyspen qamtu ortalyğymen jobanyñ maqsatty tobyna (jūmyssyzdar men özın-özı jūmyspen qamtyğandar) säikes keludı maqūldaidy;

- ırıkteuden ötu (käsıpkerlık äleuettı anyqtau maqsatynda äleuettı qatysuşylardy testıleuden ötkızu);

- toptarda praktikalyq oqu jäne biznes-josparlardy jazu boiynşa jekelegen konsultasiilar;

- biznes-jobalardy qorğau;

- biznes aşu (osy jäne basqa da Bağdarlamalar, kepıldendıru, sonymen qatar jeke qarjylandyru boiynşa şağyn nesielendıru arqyly).

Oqu aiqtalğan soñ qatysuşylar qatysudağy belsendılık jäne biznes-jobany qorğauğa bailanysty ekı türlı sertifikattyñ (qatysu turaly sertifikat, oqudy aiqtau turaly sertifikat) bırın alady. Atalğan sertifikattar jyldyq 6 paiyzben jeñıldıkpen nesie alu qūqyğyn beredı. 

Joba aisynda qatysuşylardy oqytu qaitarymsyz negızde jüzege asyrylady.

Oquğa qatysuşylarğa 16 759 teñge kölemınde bır rettık şäkırtaqy tölenedı.

Qatysuşylar sondai-aq jobalaryna 1 jyl boiy süiemeldeudı paidalana alady.

Tolyq aqparat alu üşın kelesı nömırge habarlasuğa bolady: 1404