AQŞ Senaty Äsel Robertstıñ (TÖLENOVA Äsel Qaliqyzy) Sloveniidağy Amerika elşısı lauazymyna kandidaturasyn bekıttı! Ol Amerika Qūrama Ştattary tarihynda elşı lauazymyna bekıtılgen alğaşqy etnikalyq qazaq qyzy boldy. Qūtty bolsyn!
Ömırbainy men bılımı
— Tuğan jerı: Äsel 1976 jyly Jambyl oblysynda (basqa derekter boiynşa Almaty oblysynda nemese Almaty qalasynda) düniege kelgen. Äkesı — Jambyl oblysy Talas audanynyñ tumasy.
— Mektep jyldary: Almaty qalasyndağy orta mektepte oqyğan. Jasöspırım şağynda AQŞ-qa köşıp baryp, orta mekteptı Amerikada tämamdağan.
— Joğary bılımı: 1993 jyly Djordjtaun universitetınıñ Diplomatiilyq qatynastar fakultetıne oquğa tüsken. Onda Edmund Uolş atyndağy Diplomatiilyq qyzmet mektebın bıtırıp, halyqaralyq qūqyq jäne halyqaralyq ūiymdar salasyndağy bakalavr därejesın alğan.
— Alğaşqy täjıribesı: Student kezınde Aq üide tağylymdamadan ötken.
Käsıbi mansaby
— 1999 jyldan bastap — AQŞ Prezidentınıñ Protokol departamentınde qyzmette.
— 2014 jyldan bastap — AQŞ Prezidentınıñ Protokol departamentı bastyğynyñ orynbasary jäne direktordyñ mındetın uaqytşa atqaruşy.
— 2021 jylğy 20 qañtardan 2022 jylğy 3 qañtarğa deiın — AQŞ Memlekettık protokoly bastyğynyñ mındetın atqaruşy. Būl — amerikalyq diplomatiilyq jüiedegı eñ märtebelı lauazymdardyñ bırı.
— Soñğy uaqytqa deiın — Memlekettık departamenttıñ Protokol şefı basqarmasynyñ ağa keñesşısı qyzmetın atqardy.
Basqarmadağy qyzmetı: Protokol şefı basqarmasynda ärtürlı lauazymdardy, sonyñ ışınde protokol şefınıñ mındetın atqaruşy, basşynyñ saparlar jönındegı kömekşısınıñ orynbasary jäne diplomatiilyq mäseleler jönındegı protokol qyzmetkerı mındetterın atqarğan. Sondai-aq Aq üide AQŞ Vise-prezidentınıñ apparatynda jūmys ıstedı.
Memlekettık täjıribesı: Bes bırdei prezident äkımşılıgımen qyzmettes bolyp, halyqaralyq sammitter men joğary deñgeidegı kezdesulerdı ūiymdastyruğa qatysqan.
Qosymşa mälımetter
— Tılderdı meñgeruı: Qazaq, ağylşyn, orys jäne japon tılderın erkın meñgergen.
— Otbasylyq jağdaiy: Tūrmysta, bır qyz tärbielep otyr.
«Tereñ basqaruşylyq täjıribesı, tūlğaaralyq qarym-qatynastyñ üzdık dağdylary, AQŞ elşılıkterındegı būrynğy jūmysy jäne Prezident atynan äreket etu qabıletı Roberts hanymğa AQŞ-tyñ Sloveniidağy Elşısı lauazymyn ielenuge tolyq mümkındık beredı», — dep atap ötılgen Memlekettık departamenttıñ AQŞ Senatyna joldağan baindamasynda.
Qazaqstannyñ AQŞ-tağy Elşılıgınıñ Instagram paraqşasynan:
«Äsel Roberts hanymdy AQŞ-tyñ Sloveniidağy Elşısı lauazymyna bekıtıluımen şyn jürekten qūttyqtaimyz. Ol - AQŞ tarihynda elşı därejesıne köterılgen tūñğyş qazaq qyzy. Jaña qyzmetıne tolağai tabys tıleimız. Iske sät!»


