«Otandastar qory» KeAQ ökılderı Türkı memleketterı ūiymynyñ (TMŪ) Diaspora ısterıne jauapty ministrlerı men mekeme basşylarynyñ 7-şı otyrysyna qatysty.

02 Jeltoqsan, 2025

Otyrys 2025 jylğy 2 jeltoqsanda Budapeştte öttı. Būl joğary deñgeidegı diasporalyq kezdesu Vengriida alğaş ret ūiymdastyryldy. Qazaqstan atynan ıs-şarağa «Otandastar qory» KeAQ Prezidentı Daniir Qadyrov jäne Qazaqstan Respublikasynyñ Majarstandağy Elşısı Abzal Saparbekūly qatysyp, memleketımızdıñ ökıldıgın qamtamasyz ettı. TMŪ müşelı elder tarapynan Äzerbaijan, Özbekstan, Qyrğyzstan jäne Türkiidan ökılder qatysty.

Otyrysqa TMŪ Bas hatşysy Elşı Kubanychbek Omuraliev pen Majarstannyñ şeteldegı Majar qauymdastyqtaryna jauapty memlekettık hatşysy Lorins Nacha törağalyq ettı.

Kezdesu barysynda älemdegı türkı diasporalarynyñ qazırgı jağdaiyna qatysty mañyzdy mäseleler talqylandy. Talqylaular diaspora mekemelerı arasyndağy yntymaqtastyqty nyğaituğa, şeteldegı türkı qauymdastyqtary arasyndağy yntymaqtastyqty tereñdetuge jäne ortaq bastamalar arqyly TMŪ diasporasynyñ tanymaldyğyn ärı özara bailanysyn arttyruğa bağyttaldy.

Otandastar qory Prezidentı Daniir Qadyrov öz sözınde şeteldegı etnikalyq qauymdastyqtardy qoldau – türkı älemınıñ tūtastyğyn nyğaitudyñ negızgı bağyttarynyñ bırı ekenın atap öttı.

Otyrys ortaq bağdarlamalardy damytu jäne TMŪ-ğa müşe elderdıñ diaspora mekemelerı arasyndağy yntymaqtastyqty nyğaitu jönındegı mındettemelerdı qaita rastaumen qorytyndylandy.