
QR Ūlttyq akademiilyq kıtaphanasynda "Otandastar" oqu zaly aşyldy. Jaña zaldyñ aşyluy "Otandastar qory" men Düniejüzı qazaqtary qauymdastyğy jäne QR Ūlttyq akademiilyq kıtaphanasynyñ bastamasymen jüzege asty.

Būl bız köpten berı añsap, armandap jürgen jobanyñ bırı edı. Osy uaqytqa deiın "Otandastar qory" auyz toltyryp aitar auqymdy ıster atqaryp, ūstağan bağyt-bağdaryna sai tyñ jobalardy ıske asyryp keledı. Bügıngı ıs-şara aisynda "Qazaq älemı" - "Mir kazahov" kıtabynyñ elektrondyq nūsqasynyñ tūsaukeserı de öttı. Ūlttyq akademiilyq kıtaphana aisynda "Otandastar sifrly kıtaphanasy qūryldy. Onda oqyrmanğa qazaq diasporasy turaly şetel ädebietı men otandastarymyzdyñ şyğarmalary ūsynylğan. Qazırgı tañda kıtaphana qory 2000 kıtaptan asty. Odan bölek 2500 kıtap şeteldegı qazaq mädeni ortalyqtaryna taratylatyn bolady, - dedı "Otandastar qorynyñ" vise-ministr Mağauii Sarbasov.

Onyñ sözınşe, jaña aşylğan zaldağy barlyq ädebiet "Qazaqstan Ūlttyq elektrondy kıtaphanasynyñ" tehnikalyq platformasynda sifrlandy. Būl qandastarymyzğa älemnıñ kez kelgen jerınnen qalağan kıtabyn oquğa mümkındık beredı.

Būl jūmys ary qarai jalğasu kerek. Men öz basym "Otandastar" kıtaphanasyna 100-den asa kıtap berdım. Endı öz eñbekterım bar, basqa da şyğarmalar bar tağy kıtap beremın. Eñ bastysy – kıtap halyqqa jetuı kerek, äsırese, şetelde jürgen qazaqtarğa, - dedı aituly türkıtanuşy ğalym Qarjaubai Sartqojaūly.




