
Bügın 21 aqpan – Halyqaralyq Ana tılı künıne orai «Otandastar qory» men Düniejüzı qazaqtary qauymdastyğy ötkızgen «Ana tılım - ardağym» halyqaralyq baiqauynyñ nätijesı belgılı boldy.
Baiqauğa 2020 jyldyñ 1-20 aqpan aralyğynda şeteldegı (Moñğolii, Özbekstan, İran, Belarus elderındegı) etnikalyq qazaq balalarynan (8-11 synyp oquşylary) barlyğy 33 şyğarma qabyldandy. Osy halyqaralyq baiqauda baq synap, üzdık şyqqandar tömendegıdei:
I ORYN:
Künberdı Baqbergenqyzy - Moñğolii (11 synyp) - Abai turaly.
II ORYN:
Gülbanu Kümısbaeva - Özbekstan (11 synyp) - äl-Farabi+Abai turaly.
Arai Mūharapqyzy - Moñğolii (9 synyp) - äl-Farabi turaly.
III ORYN:
Narkes Eskeldı - İran (10 synyp) - Abai häm ana tılı turaly.
Diana Abdumuminova - Özbekstan (10 synyp) - Ana tılı häm Abai turaly.
Alima Sılämhanqyzy - Moñğolii (11 synyp) - Abai turaly.
Qandastardyñ qarym-qabıletı, qazaq tılıne degen qūştarlyğy, baiqaudağy belsendılıgın eskere otyryp, «Otandastar qory» KEAQ basşylyğy men qazylar alqasy qosymşa 5 yntalandyru syilyğyn beru jönınde şeşım qabyldady:
YNTALANDYRU SYİLYĞY:
Saida Abdykamalova - Özbekstan (8 synyp) - Abai turaly - «Baldäuren».
Jūldyz Erquat - Moñğolii (11 synyp) - Abai turaly - NZM /NİŞ/.
Nikita Goncharenok - Belarus (7 synyp) - Abai turaly - «Baldäuren».
İli Goncharenok - Belarus (9 synyp) - äl-Farabi turaly - «Baldäuren».
Seleimanova Nazerke - Özbekstan (9 synyp) - Abai turaly - «Baldäuren».
Eske sala keteiık, baiqauğa qatysuğa talapker oquşylar «Otandastar» qoryna «Şyğystyñ Aristotelı» atanğan ğūlama oişyl Äbu-Nasyr äl-Farabidıñ 1150 jyldyğy jäne ūltymyzdyñ ūly aqyny, qazaq jazba ädebietınıñ negızın qalauşy, filosof Abai Qūnanbaevtyñ 175 jyldyğyna arnap özınıñ oi-tolğamyn şağyn şyğarma etıp jazuy tiıs edı.
Baiqau şarttary boiynşa I oryn alğan oquşy «Tuğan elge saihat» turistık poiyzyna 1 joldama ielenedı. II oryn alğan oquşylar üşın Burabaidağy «Baldäuren» balalar lagerıne 2 joldama, III oryn alğandar üşın NZM (NİŞ) lagerıne 3 joldama (Nūr-Sūltan qalasy) qarastyrylğan bolatyn.
Ūltymyzdyñ ūly tūlğalaryn ūlyqtap, olardyñ önegelı ömır joly men ömırşeñ tuyndylary turaly tolğanyp jazğan daryndarymyzdy şyğarmaşylyq baiqaudağy jeñısımen şyn jürekten qūttyqtaimyz!
Bırınşı oryn alğan Künberdı Baqbergenqyzynyñ (Moñğolii, 11 synyp) Abai turaly jazğan şyğarmasy myna sılteme arqyly oquğa bolady.