2024 jyldyñ 30 qaraşasynda Qazaqstan Respublikasynyñ Korei Respublikasyndağy Elşılıgınıñ qoldauymen «Otandastar qory» KeAQ prezidentı Daniir Qadyrov Seul qalasynda qazaq diasporasynyñ ökılderımen kezdesu ötkızdı. Is-şara şeteldegı qazaqtardyñ ūlttyq qūndylyqtaryn saqtau jäne Qazaqstanmen bailanysty nyğaitu maqsatynda ūiymdastyryldy.
Kezdesu barysynda söz söilegen «Qazaq Nomad» ūiymynyñ töraiymy Janat Qadyrova 2025 jyldyñ säuır aiynda Seulde Azii elderı qazaqtarynyñ qūryltaiyn ūiymdastyru nietın bıldırdı. Būl bastama qazaq diasporasy ökılderı arasyndağy yntymaqtastyqty arttyruğa jäne mädeni bailanystardy nyğaituğa bağyttalğan mañyzdy qadam bolmaq.
Is-şara aisynda «Otandastar qory» atynan «Qazaq Nomad» ūiymynyñ töraiymy Janat Qadyrovağa, «Tomiris» ūiymynyñ basşysy Nazgül Qarabaevağa jäne ūiym belsendılerıne alğys hattar tabys etıldı. Būl marapattar olardyñ şeteldegı qazaq mädenietı men dästürlerın nasihattau, jastardy qoldau jäne diasporanyñ ruhani bailanystaryn nyğaitu bağytyndağy eñbekterın joğary bağalaudyñ belgısı retınde tabystaldy.
Kezdesu barysynda qazaq diasporasy ökılderı mädeni ıs-şaralardy jiı ötkızu, jastardy qoldau jäne Qazaqstanmen mädeni, bılım jäne ekonomikalyq yntymaqtastyqty nyğaitu mäselelerın talqylady. Sonymen qatar, şetelde tūratyn qazaqtardyñ käsıbi jetıstıkterın paidalana otyryp, ekı el arasyndağy ıskerlık yntymaqtastyqty damytu mäselelerı qaraldy.
Kezdesu aşyq jäne dostyq formatta ötıp, diaspora ökılderı arasyndağy yntymaqtastyqty nyğaituğa, täjıribe almasuğa jäne bırlesken jobalardy jüzege asyruğa jaña serpın berdı.





