«Ana tılım - ardağym» halyqaralyq baiqauy

17 Aqpan, 2020

21-aqpan - «Halyqaralyq ana tılı» künı. Osy atauly künge orai memlekettık tıldıñ mereiın asyryp, ana tılımızdı ardaqtau maqsatynda Düniejüzı qazaqtary qauymdastyğymen bırlese otyryp, «Otandastar qory» alys-jaqyn şet elderdegı etnikalyq qazaq balalary arasynda «ANA TILIM - ARDAĞYM» halyqaralyq baiqauyn jarilağan bolatyn.

Bügın baiqauğa şyğarma qabyldaudyñ mejelı merzımı aiqtalady, sondyqtan jazğan şağyn şyğarmañyzdy bügın bızge joldap ülgerıñızder. Şyğarma qabyldaudyñ soñğy künınde mümkındıktı mült jıberıp almañyz, qapy qalmañyz!

Baiqau şarttary:

-    Baiqau talabyna sai jazylğan şyğarmalar «Otandastar» qoryna elektrondy poşta arqyly joldanady. Elektrondy adres: info@oq.qov.kz; serik_abduali@mail.ru

-    Baiqauğa alys-jaqyn şet elderdegı etnikalyq qazaq balalary  (8-11 synyp oquşylary)  - qandas ūl-qyzdar qatysa alady;

-    Baiqauğa qatysuğa talapker oquşylar «Otandastar» qoryna «Şyğystyñ Aristotelı» atanğan ğūlama oişyl Äbu-Nasyr äl-Farabidıñ 1150 jyldyğy jäne  ūltymyzdyñ ūly aqyny, qazaq jazba ädebietınıñ negızın qalauşy, filosof Abai Qūnanbaevtyñ 175 jyldyğyna arnap özınıñ oi-tolğamyn şağyn şyğarma etıp jazuy tiıs. Ūltymyzdyñ ūly tūlğalaryn ūlyqtap, olardyñ önegelı ömır joly men ömırşeñ tuyndylary turaly  şyğarmany qara sözben nemese öleñ janrynda jazuğa bolady. Kölemı A4 formatyndağy 2 betten aspauy kerek;

-    Şyğarma avtory özınıñ aty-jönı, tuğan jyly, aiy, künı, tūrğylyqty meken-jaiy jäne jeke basyna qatysty mälımetterdı jeke paraqta, bölek jazuy tiıs;

-    Baiqauğa joldanatyn şyğarmalardy qabyldaudyñ mejelı merzımı: 1 aqpan - 17 aqpan aralyğy;

-    Baiqauğa joldanğan şyğarmalardy bılıktı tıl-ädebiet mamandarynan qūrylğan qazylar alqasy ırıktep-sūryptap, eñ üzdık dep tanylğan 6 (alty) tuyndynyñ avtory jüldegerler dep tanylady.

-    Jüldelı oryndar: I oryn - bıreu; II oryn - ekeu;  III oryn - üşeu, barlyğy 6 jülde.

-    I oryn - «Tuğan elge saihat» turistık poiyzyna 1 (bır) joldama; 

-    II oryn - Burabaidağy «Baldäuren» balalar lagerıne 2 (ekı) joldama;

-    III oryn - NZM (NİŞ) lagerıne 3 (üş) joldama (Nūr-Sūltan qalasy).

-    Jüldegerlerdıñ Qazaqstanğa kelıp-ketu jolaqysy jäne kütıp alu-şyğaryp salu şyğyny «Otandastar» qory esebınen tölenedı.

-    Jeñımpaz ben jüldegerler 20 aqpanğa deiın anyqtalyp, üzdık üştıkke engenderdıñ esımı 21 aqpan - Halyqaralyq Ana tılı künınde jarii etıledı jäne Qor saity men äleumettık jelılerde jazylady.

-    Baiqau turaly aqparattyq materialdar «Otandastar» saityna jäne oq-bilim.kz, sondai-aq äleumettık jelılerde ornalastyrylady.