«Otandastar qory» kommersiilyq emes aksionerlık qoğamy janyndağy Ğylymi-saraptamalyq keñestıñ I otyrysynyñ HATTAMASYNAN ÜZINDI
2019 jylğy 19 mausym, Sağat 16.00
Qatysqandar:
QR Aqparat jäne qoğamdyq damu vise-ministrı – M.Äzılhanov, QR Syrtqy ıster ministrlıgınıñ erekşe tapsyrmalar jönındegı elşısı – Q.Lama Şarif, «Otandastar Qory» KEAQ-nyñ (ärı qarai - Qoğam) jäne «Düniejüzı qazaqtary qauymdastyğy» RQB-nyñ qyzmetkerlerı, Ğylymi-saraptamalyq keñestıñ müşelerı (tızım boiynşa)
KÜN TÄRTIBI:
_______________________________________________________________
Ğylymi-saraptamalyq keñestıñ (ärı qarai - Keñes) alğaşqy otyrysyn aşqan «Otandastar Qory» KEAQ-nyñ Prezidentı Nūrtai Abyqaev öz sözınde: - «Diasporalyq saisat mäselelerın şeşu boiynşa ğylymi negızdelgen ūsynymdar äzırleu üşın qūrylğan Keñes - Qoğam qyzmetın qamtamasyz etudegı ğylymi-keñestık funksiilardy atqaratyn jūmysşy organ bolyp tabylady. Şeteldegı etnikalyq qazaqtardyñ bılım aluyna jäne tılın saqtap qaluyna jağdai jasap, olarmen mädeni-gumanitarlyq jäne aqparattyq-üilestıru bailanystaryn qamtamasyz etıp, şeteldegı jäne otanyna köşıp kelgen qandastarymyzdy qoldau mäselelerın bırlesıp qarastyruğa Sızderdı şaqyramyn» - dedı.
Keñes otyrysynyñ kün tärtıbıne säikes, qūramy bekıtılıp, Keñes törağasy bolyp, bır auyzdan QR ŪĞA korrespondent - müşesı, Zañ ğylymdarynyñ doktory, professor, Qazaqstan Respublikasy Parlamentı Mäjılısınıñ deputaty Dulatbekov Nūrlan Orynbasarūly sailandy.
Keñes müşelerınıñ ūsynystary negızınde 2019 jylğa arnalğan jūmys jospary bekıtıldı.
Şettegı qandastarymyzğa bailanysty memlekettık saisattyñ negızgı bağyttarynyñ bırı bolyp tabylatyn memlekettık diasporalyq saisatty bağdarlamalyq jäne zañnamalyq qūjattarmen qamtamasyz etu mäselesı - Keñes otyrysynyñ arqauy boldy.
Keñes müşelerı Otandastar qory tarapynan daiyndalğan «Qazaq diasporasyn memlekettık qoldau turaly» Zañ jobasynyñ Tūjyrymdamasyn talqylady jäne ūsynystar engızdı. Zañ jobasynyñ tūjyrymdamasy älemdık täjıribedegı qazırgı zamanğy ürdısterge, jinaqtalğan täjıribege jäne qazaq memleketınıñ jäne qoğamynyñ jaqyn jäne alys bolaşağy turaly ğylymi, tübegeilı ideilarğa negızdelıp äzırlengen.
Keñes otyrysynyñ kün tärtıbınde belgılengen barlyq mäseleler qaralyp, keñes müşelerı tarapynan aitylğan ūsynystar tyñdalyp, hattamağa engızıldı.