Taldyqorğandağy Dostyq üiınde «Otandastar qorynyñ» Biznes jäne jobalardy akselerasiilau departamentınıñ ökılı Anas Ahatūly jäne Qandastardy aqparattyq qoldau ortalyğynyñ meñgeruşısı Bolat Zauytūly Düniejüzı qazaqtary qauymdastyğy jäne «Otandastar qory» KEAQ-nyñ Almaty oblystyq front ofis sarapşysy Serıkhan Qalibekūly kezdesu ötkızıp, front-ofistıñ jūmysymen tanystyrdy.
Atalğan jiynğa qandastarymyz köptep şoğyrlanğan Aqsu, Eskeldı, Köksu audandary äkımderınıñ orynbasarlary, Almaty oblysynyñ jūmyspen qamtudy üilestıru jäne äleumettık bağdarlamalar, Bılım beru, Işkı saisat, HQKO basqaramasynyñ basşylary, «Nūr Otan» partiisynyñ basşylyğy, Köşı-qon qyzmetınıñ ökılderı qatysty. Mekeme basşylary atqarylyp jatqan jūmystaryn aityp, öz ūsynystaryn ortağa saldy.

«Köşı-qon kvotasyn ala almai qalğandarğa qandai kömek körsetıledı?», «Qazaqstannyñ soltüstık oblystaryna köştıñ basyn būru boiynşa tuyndağan qiyndyqtardy qalai şeşuge bolady?», «Egıstık pen jaiylym ala almai jürgen qandastrymyzdyñ ötınışın qaitemız?», «Auyldyq jerlerdegı mal ūstau mäselesı qalai şeşılmek?», «Metodikalyq qūjat bola ma?» degen sūraqtar qoiylyp, tiıstı jauap ta berıldı. Osy oraida qoğamdyq qabyldauğa kelgen qandastarymyz özderıne kerek jauabyn aldy.
«Şetelden kelgen qandastarymyzğa bırlese otyryp kömek bersek, demografiilyq saisatymyzdyñ ary qarai örkendeuıne, Qazaqstanymyzdyñ körkeuıne qosqan bırden-bır ülesımız bolar edı. Tezırek sıñısıp, öz elınde jürgendıgın sezınetındei jağdai jasauymyz kerek. Atamekenıne oralğan qandastarymyzdy qūşaq jai qarsy alyp, qolymyzdan kelgen jağdaiyn jasap bersek keremet bolar edı», - dedı Düniejüzı qazaqtary qauymdastyğy «Otandastar qory» KEAQ Almaty oblystyq front ofisınıñ sarapşysy Serıkhan Qalibekūly.

«Özge elden «Qazaqstanym» dep oralğan bauyrlarymyzğa qaşanda kömek körsetuge daiynbyz. Būl bızdıñ ūlttyq paryzymyz. Sol sebeptı «jūmyla kötergen jük jeñıl» demekşı «Otandastar qory» front ofisıne jügıngen qarapaiym halyqqa, iğni basqa memleketten oralğan qandastarymyzğa front-ofistıñ atqaratyn qyzmetın aityp, şeşılmei jatqan mäselenı tıkelei aitsañyzdar bolady», - dedı jiyn barysynda Anas Ahatūly.