Şeteldegı qandastar – qazaq halqynyñ qūramdas bölıgı – Nūrhan Jäliev

10 Aqpan, 2020

Şeteldegı qazaqtardy ruhani tūrğyda qoldau nemese Qazaqstanğa köşıru kerek degen ūstanymğa keide köptegen qarsy pıkırler aitylyp jatady. «Özımızdı asyrai almai jatqanda olardy qalai asyraimyz? Özımız baspanasyz jürgende olarğa qaidan baspana tauyp beremız? Özımızge jer jetpei jatqanda olarğa qaidan jer tauyp beremı?», - degen uäj aitylady. Ökınışke qarai materialdyq mäseleler qazırgı zamanda basym bolyp tūrğan jağdai bar. Degenmen...

Şeteldegı qazaqtar – qazaq halqynyñ qūramdas bölıgı, olardyñ bıryñğai tarihi jäne etnikalyq Otany – Qazaqstan. Şeteldegı qazaqtar men Qazaqstandağy qazaqtar türlı jergılıktı özgeşelıkterı bola tūra bır mädenietke, bır tılge, bır dınge ie, Qazaq handyğynyñ qūramynda tarihi tūtastyğymen bırıktırılgen, bıregei qazaq etnosyn qūraidy.

Bügıngı künı, keibır saraptamalyq pıkırlerge säikes, alys jäne jaqyn şeteldegı qazaqtar qazaq ūltynyñ 1/3 nemese 7-8 million adamdy qūraidy.

Şeteldık qazaqtardy qoldau saisaty soñğy uaqytta qazaq tılın qoldanu salalarynyñ taryluyna, olardyñ ūlttyq özındık bolmysynyñ bırtındep joğaluyna jäne olardyñ assimilisiilanuyna bailanysty aitarlyqtai özektı. Sarapşylardyñ pıkırınşe, assimilisiinyñ nätijesınde bız orny tolmas jağdaiğa ūşyrap, jaqyn aradağy 10-15 jylda qazaq ūltynyñ qūramdas bölıgı – şetel qazaqtarynan tolyq aiyryluymyz mümkın.

Şeteldegı qandastar qazaq retınde bızden basqa eşkımge kerek emes ekenın tüsınuımız abzal.

Nūrhan Jäliev, «Otandastar qorynyñ» Aqparattyq taldau departamentınıñ direktory

Foto: derekköz