İranda qazaq tılın üiretu synyby aşyldy

09 Aqpan, 2020

"İrannyñ Gorgan qalasynda onlain türde qazaq tılın üiretu synyby aşylyp, İran qazaqtary tarihi oqiğanyñ oryn alğanyn sezdı. Qandai quanyşty kün edı! Jastardyñ quanyştary qoiyndaryna syimai tūrğany közderınen bılınıp-aq tūrdy. Osyndai sezımder dünie jüzındegı barlyq qazaqtarğa būiyruyn armandaimyn. Otandastar qoryna jəne de Gorgan qalasyndağy Qazaqstannyñ bas konsuly Aitjan Aidaşev ağağa qazaqtyñ ösıp-örkendeuı jolynda atqaryp jatqan jūmystary üşın arnaiy rahmetımdı jetkızudı özıme boryş sanaimyn. Osyğan qosa İranda osy jūmysty ūiymdastyruğa tyrysyp jürgen ağa-apailarğa alğys aitamyz. Otandastar qorynyñ Jastar klubyna qatysqaly berı öz qazaq memleketıme degen közqarasym özgerdı. Otandastar qorynyñ bağdarlamalarynyñ arqasynda dünie jüzındegı qazaq jastarynyñ barlyğy bır-bırımen tanysyp, auyzbırlıgı artyp, sana men sənımız jarasatynyna ümıttenemın. Osy tanysu men qarym-qatynastardyñ nətijesınde tanym-bılımımız jañaryp, soñynda elımızdıñ damuyna sebep bolsyn", - deidı Gorgan universitetı kolledjı studentı Şahira Eskeldı Rahmanqyzy.

Aita keteiık, Şahira Eskeldı Rahmanqyzy 1996 jyly İran memleketınde düniege kelıp, sonda ömır sürıp jatqan qandasymyz. Gorgan qalasyndağy universitettıñ ağylşyn tılı mūğalımın daiyndaityn kolledj studentı.

Būl turaly "Egemen Qazaqstan" RG aqparattyq portatynda jariilandy.

A class for the study of the Kazakh language opened in Iran