«Düniejüzı qazaqtarynyñ qauymdastyğy» RQB men «Otandastar qory» KEAQ-nyñ oblystardağy front-ofis sarapşy operatorlarynyñ bırlese atqaratyn qyzmetı men «Bırıñğai bailanys» ortalyğynyñ jūmysyn tanystyru maqsatynda jūmystar jalğasuda.
Osyğan orai Petropavl qalasynda döngelık üstel ötıp, oğan «Nūr Otan» partiisynyñ ökılderı, SQO polisii departamentı köşı-qon qyzmetınıñ, Jūmyspen qamtudy üilestıru jäne äleumettık bağdarlamalar basqarmasynyñ, jastar resurstyq ortalyğynyñ, oblystyq bılım basqarmasynyñ mamandary jäne t.b. qatysty.

Osydan keiın kezdesu Esıl audanynda jalğasyp, audan äkımı, memlekettık mekeme basşylary, auyl äkımderı, BAQ ökılderı jäne osy mekege köşıp kelgen qandastardyñ qatysuymen ıs-şara ūiymdastyryldy.

«Elbasynyñ basqaruyndağy Düniejüzı qazaqtary qauymdastyğynyñ maqsaty jäne atqaryp otyrğan igılıktı ısterı jaily özderıñız jaqsy bılesızder. Şetelde tūratyn qandastarymyzğa mädeni ruhani qoldau körsetu, jastaryn elımızdıñ joğary oqu oryndarynda oqytu, mektepte oqityn balalardyñ jazğy demalysyn elde ūiymdastyru, köşıp kelgen qandastarymyzğa jan-jaqty qoldau körsetu barlyğymyzdyñ mındetımız degendı tapsyrdy. Qazırgı tañda Düniejüzı qazaqtary qauymdastyğymen bırlesken «Otandastar qory» KEAQ şeteldegı jäne elge oralğan etnikalyq qazaqtarmen tyğyz bailanys ornatu jäne olarğa qoldau körsetu boiynşa 2019 jyly «Qandastardy aqparattyq qoldau ortalyğyn» (QAQO) jūmysyn bastady», - dedı Qandastardy aqparattyq qoldau ortalyğynyñ meñgeruşısı Bolat Zautūly.