"Spotify-da jūmys ısteudı armandadym" – Dana Batyrhan

17 Qazan, 2024

Spotify cervisı – bügınde älemdegı nömırı bırınşı muzykalyq striming platformasy. Resmi derekterge süiensek, bügınde Spotify-dy älemnıñ 184 elınde tūratyn 615 millionğa juyq qoldanuşy tyñdaidy eken. Almatydağy Halyqaralyq aqparattyq tehnologiilar universitetınıñ tülegı Dana 
Batyrhan Spotify-dyñ Amsterdamdağy keñsesınde jūmys ısteidı. Onda oquşy kezınen jūmys ısteudı armandağan Danağa habarlasyp, 
az-kem sūhbattasqan edık.

– «Boldy. Bıttı. Bolaşağymdy tek IT sa­lasymen bailanystyramyn» degen tüsınık qaşan qalyptasty?

– Negızı, men basynda adam denesınıñ qūry­lysyn zertteuge qyzyqqan edım. Mūny bai­qağan ata-anam menı därıger bolady dep oi­lap, biologii, anatomii kıtaptaryn syi­lai­tyn. Al mamandyğy bağdarlama jasaq­tau­şy ülken ağam üide komputerde künı-tü­nı jūmys ısteitın. Onyñ öz ısın berılıp ıs­­­tegenın, emosiisyn baiqap, syrtynan ba­qylap jüretınmın. Ne ıstep jatqanyn on­şa tüsınbeimın, bıraq ol ömırı mäz bolyp jüredı. Jalaqysy da jaqsy-tyn. Söitıp, bırte-bırte jasaqtau ısıne men de qyzyğa bas­tadym. Ağam sekıldı komputerde jūmys ıs­tep, aqşa tapqym keldı. Oğan qosa, bırde köz aldymda ekı bala töbelesıp, şaşyrağan qan­dy körıp, şoşyp qalğanym bar. Sodan soñ därıger bolmaimyn, ağamnyñ jolyn quyp, IT mamany bolamyn dep şeştım. Mek­tepte üzdık oquşy boldym. Qoldanbaly ma­tematika boiynşa ğylymi joba äzırlep, saiysta jüldelı oryn alğan soñ, qalağan universitetke oquğa tüsu mümkındıgı berıldı. Söitıp, Almatydağy Halyqaralyq aqparat­tyq tehnologiilar universitetınıñ aqparat jüielerı mamandyğyna oquğa tüstım. Üşınşı kursta Arman Süleimenov negızın qalağan nFactorial kursyna qatystym. Onda mobildı qosymşa jasaqtau ısın ūnattym. Kurs aiq­tal­ğan soñ, ondağy mobildı studiida jū­mys ısteuge şaqyryldym. Onda ekı jyl jū­mys ıstep, özım oqyğan universitettıñ ma­gistratura bölımıne oquğa tüstım. Sosyn Beeline kompaniisyna jūmysqa tūryp, onyñ mobildı qosymşasyn jaqsartuğa atsalystym. Sodan soñ bır jarym jyldai Qazaqstandağy eñ ırı ärı myqty IT-kompanii Kolesa Group-ta jūmys ıstep, onyñ da qo­sym­şasyn jaqsartuğa jauapty boldym. Keiın pandemii uaqytynda onlain jūmys ısteuge köşken kezde älemnıñ är būryşynda otyryp, jūmys ısteu mümkındıgı paida bol­dy. Sol uaqytta amerikalyq Reddit kom­pa­nii­syna ırıkteuden ötıp, onlain jūmysqa tūr­dym. Bırneşe aidan soñ Spotify-dan habarlasty. Men onda qūjat tapsyrğanymdy ūmytyp ketıppın. Onda jūmysqa tūru menıñ armanym bolatyn. Bağymdy synap körgım keldı. Bırneşe kezeñdı qamtityn ırıkteuden ötu üşın tyñğylyqty daiyndaldym, köp esep şyğardym. Negızı, men 2019 jyly Spotify-ğa bırınşı ret qūjat tapsyrğanymda ötpei qalğanmyn. Ol kezde täjıribem azdau boldy. Ondağylar «Sağan älı köbırek jūmys ısteu kerek. Köp esep şyğaruyñ qajet» dep şy­ğaryp salğan bolatyn. Arağa ekı jarym jyl salyp, qaita ırıkteuden öttım. Alaida būl joly täjıribem bar, sūhbattasu ke­zeñın­de qalai söileu kerek ekenın bılemın ärı esep te şyğara alamyn. Aqyrynda, bärınen ırkıl­mei ötıp, jūmysqa şaqyrtu aldym. Olar mağan Şvesii nemese Niderlandynyñ bırın tañdauğa mümkındık berdı.

– Spotify-dyñ bas keñsesı ornalasqan Şve­sii emes, Niderlandyny nege tañ­da­dyñ? 

– Ekı eldıñ qaisysynda ekspattarğa qa­lai qaraidy, qai jerde tūrğan jaqsy degen­dei saualdarğa jauap ızdep, zertteu jasadym. Şvesiinyñ tūrğyndary tabiğatynan ja­byq, suyqtau, introvert. Al Niderlandy aza­mattary aşyq. Bız sekıldı toi-toma­laq­ty jaqsy köredı. Oğan qosa özge elden kö­şıp kelgenderge jaqsy qaraidy. Mysaly, mūn­da jergılıktı tūrğyn tapqan tabysynyñ köp bölıgın salyqqa töleidı. Al ekspattarğa jeñıldık qarastyrylğan. Jalaqyñnyñ jetpıs paiyzyn özıñe alsañ, otyz paiyzyn salyqqa ūstap qalady. Qara­paiym tūrğyndarğa qarağanda bız salyqqa az soma töleimız. Alaida bes jyldan soñ jağ­dai teñesedı. Tağy bır aita keterlıgı, mūn­da qazaqtar tuystar sekıldı aralasady. Ūlt­tyq merekelerde türlı ivent ūiym­das­ty­ryp, elşılıkpen tyğyz bailanysta bo­la­dy. Jyl basynda Sloveniiğa baryp, Qa­zaq­stan futbolşylaryna qoldau körsetıp qait­ty. Bır-bırın tartyp, ünemı kömektesıp jüredı.

– Spotify-da qandai funksiiğa jauap­tysyñ?

– Menıñ komandam Spotify qosym­şa­sy­nyñ arhi­tek­turasymen ainalysady. Qosymşadağy türlı knop­kalarğa türlı komanda jauapty. Bız olar­dyñ üstınen qaraimyz. Ärbırıne qalai jū­mys ısteu kerek ekenın aityp, jol sıltep otyra­myz. Mysaly, üi salğanda qūrylys bri­gadirı «Sen üidı bylai saluyñ kerek» dep qūrylysşylarğa bağyt sıltep otyrady ğoi. Bız osy qosymşanyñ brigadirımız desek bo­lady. Qai zatty qaida qou kerek ekenın ai­typ otyramyz. Qiyn bolyp jatsa, olarğa kö­mektesemız. Sondai-aq bız basqa da jo­ba­larğa atsalysamyz. Spotify-dağy qoldanu­şy­nyñ jeke paraqşasyn bır qūrylğydan ekın­şısıne auystyrudy engızdık. Endıgı ke­zekte muzykany telefonnan ğana emes, te­le­didardan da tyñdauğa bolady. Mūny özım jasadym desem de bolady. 
Jalpy, Europanyñ är elınde Spotify-dyñ keñ­sesı bar. Amerikada da bar. Japoniida men Koreida da jūmys ısteidı. Al Nider­lan­dy­dağy keñsede 120 adam jūmys ısteidı. Onyñ seksen paiyzy üiden jūmys ısteidı, al jiyrma paiyzy keñsede otyrady. Negızı, ädep­kıde men de üiden jūmys ısteuge kelısken edım, alaida juyrda keñ ärı ädemı jaña keñsemız aşyl­­ğan soñ, qazır jūmysqa jiı kelıp jür­mın, ärı ärıptestermen de bailanys ornatqan köp kömegın tigızedı.

– Sūramasam bolmas. Spotify-dan qa­zaq­şa änder tyñdaisyñ ba?

– Ärine. Būryn Ninety One tobyn jiı tyñ­daitynmyn. Qazır būrynğy tyñdağan än­derımdı qaita tyñdaimyn. Qazır Aiym at­ty änşınıñ tyñdarmanymyn. Än aitu sti­lı, dauysy da keremet. Qazaqstandyq än­şı­ler­den bölek, blogerler de onda podkast­ta­ryn salady. Alaida äzırşe ol funksii älı qol­jetımdı emes sekıldı.

– «Onda jūmysqa tūru armanym» dep qal­dyñ. Sonda muzykalyq servis qū­ras­­tyruğa būrynnan qyzyqqan ba edıñ?

– İä, qatty qyzyqtym. Bırınşı ret Spotify turaly jañalyqtardan estıdım. Ol kezde būl platforma Qazaqstanda qoljetımdı emes-tın. VPN jüktep qana qoldana alamyz. Jük­tep alğan soñ, bırınşı ret muzyka tyñdap kördım. Mūnda muzyka qalai oinalady, būl qosymşa qalaişa muzykalyq strimingqa ainalğan degendei sūraqtarğa bas qatyrdym. Sol saualdarğa jauap tabu üşın osynda jū­­­mys­qa tūrdym dese de bolady. Qazır kezınde menı mazalağan sūraqtardyñ bärınıñ jaua­byn bılemın. Armanym oryndaldy.

– Äñgıme arasynda Niderlandynyñ jağymdy tūstaryn aityp qaldyñ. Degenmen qolaisyzdyq tudyrğan tūsy da bar şyğar. 

– Mūnda tūratyn kez kelgen empat basty minus dep qūbylmaly kün raiyn aitatyny sözsız. Bır qyzyğy, mūnda jañbyr jauyp tūrğanda jel soğady. Betıñe tamşy ūrady. Sosyn tağamdary dämsızdeu. Bız Qazaqstanda tūzdy köp jeimız ğoi. Tamaqtyñ dämın, tūzy köp, azyn bırden baiqaimyz. Mūnda özderınıñ ūlttyq tağamdary joq, är eldıñ tağamdarynyñ qospasy. Sosiska, şöp aralasqan pure sekıldı tağamdar jeidı. Tüskı asqa nan men mai, arasyna şūjyq nemese ırımşık qosyp jeidı. Özderı ystyq tamaq ışpeidı. Al ystyq tamaq jep otyrsañ, senı tüsınbeidı. Sodan soñ mūnda bank qyzmetı de baiu. Mysaly, men kartochkamdy ekı ai küt­tım. Jalaqy tüsse de, bırden qoldana almai­syñ. Kartochka, qūpiisöz, tağy basqa qūjat­tar bar tört konvert keledı. Törteuı tört ua­qytta keledı. Keide poştañdağyny älde­bıreu alyp ketıp, ony tappai qaluyñ da müm­kın. Degenmen mūnda da tez audarym ja­saityn servis bar. Älı Tikkie jüiesı ar­qyly basqa bıreuge tölem şotyn jıbere ala­syñ. Airyqşa aita keterlıgı, mūnda fes­tival köp ötkızıledı. Korol künı bükıl halyq qyzğylt sary tüstı kiım kiıp, köşege şyğady. Bileidı. Qaiyqtarğa otyrady. Toilaidy. Alaida bız sekıldı ülken auqymda toi­lamaidy. Tuğan künde de asta-tök das­tar­qan jaimaidy. Tıptı, negızgı as tügılı, tort ta qoimaidy. Köp tamaqty ysyrap sanaityndar da bar. Mūndağylar kö­bıne bilep, ışımdık ışıp, demal­ğan­dy qūp köredı.

– Endıgı armanyñ ne?

– Qūdaiğa şükır, armandarym bır­te-bırte oryndalyp keledı. Alda osy joldan taimai, ösıp-öngım ke­ledı. Älı bılmeitınım köp. Täjıribemdı mo­laityp, qorymdy baiytqym keledı. Men Qazaqstanda jaqsy ūstazdar men oqy­tuşylardan tälım aldym, ondağy ortam köp kömegın tigızdı. Özım de ızdendım. Boiyn­da tau­dai talaby, közınde ot, keudesınde asqaq ar­many bar adam degenıne jetedı. Son­dyqtan bolaşağyn jarqyn etkısı keletın jastar öz-özıne senıp, armanyna adaspai jetudı maq­sat etuı kerek. Aldağy uaqytta eldegı jas­tarğa bar bılgenımdı üiretkım ke­ledı. «Bızge kelıp, bılgenıñdı bölıs» dese, bır­den kelıser edım. Magistratura bıtırgenmın, son­dyqtan kezı kelgende elge qaityp, uni­versitetterdıñ bırınde sabaq bergım ke­ledı. Bolaşaqta eşqandai joba jasağym kel­meidı. Tek bar bılgenımdı eldegı qarado­ma­laq balalarğa taratsam, olardy öz qolymnan keletınnıñ bärıne üiretsem deimın.

– Iske sät! Äñgımeñe rahmet!

Sūhbattasqan 

Älii Tıleujanqyzy

turkystan.kz